Ukraina madaniyat va axborot siyosati vaziri Aleksandr Tkaçenko öz lavozimini tark etiş haqida ariza berdi. «Men boş vazirga (Denis Şmixal) uruş davrida madaniyatning ahamiyati haqidagi notöğri tuşuniş tölqini tufayli iste’foga çiqiş töğrisida ariza olib keldim», — deb yozdi u 21 iyul, jumaga ötar keçasi Facebook’dagi sahifasida.
20 iyul kuni keçqurun Ukraina prezidenti Volodimir Zelenskiy boş vazir Denis Şmixalga Tkaçenkoni işdan böşatib, bu lavozimga boşqa şaxsni tayinlaşni taklif qildi. Zelenskiyning qarori oldidan Ukrainada keng kölamli uruş davrida budjet mablağlarini madaniy loyihalarga sarflaş qançalik maqsadga muvofiqligi haqida ommaviy muhokama avj oldi.
Xususan, Madaniyat vazirligining Kiyevdagi Vatan qalqonidagi sovet ramzlarini Ukraina gerbi bilan almaştiriş ğoyasi 28 million grivnaga tuşişi jamoatçilikning turli xil reaksiyasiga sabab böldi. Gap davlat mablağlari haqida emas, balki şaxsiy mablağlar haqida bölganiga qaramay, ijtimoiy tarmoqlarning Ukraina segmenti nima uçun ularni Ukraina armiyasi uçun dronlarga emas, balki haykalni yangilaşga sarflaş rejalaştirilganini faol muhokama qildi. Ukraina Madaniyat vazirligining Ukraina xalqi Golodomor-genotsid milliy muzeyi qurilişini yakunlaş böyiça rejalariga ham keskin munosabatda bildirildi, buning uçun davlat budjetidan 500 million grivnadan (121 ming yevrodan ortiq) köproq mablağ ajratiş kerak edi. Tkaçenko Ukrainada uruş tugaşini kutmasdan teleseriallar işlab çiqarişni jonlantiriş niyati uçun ham tanqid qilindi.
Zelenskiy vazirni iste’foga çiqariş haqidagi qarorga izoh berar ekan, şunday deb ta’kidladi: «Muzeylar, madaniyat markazlari, ramzlar, telekörsatuvlar - bularning barçasi muhim, ammo hozir boşqa ustuvorliklar bor. Budjetdan taşqari jamğarmalarni toping. Davlatning pulini emas». Ukraina prezidentining sözlariga köra, «odamlar budjet mablağlari adolatli va töğri sarflanayotganini his qilişi kerak. Yöl toşlari, şaharlarni bezaş, favvoralar keyin ham qurilaveradi. Avval ğalaba».
Tkaçenko, öz navbatida, uruş davrida «madaniyatga şaxsiy va davlat mablağlarini sarflaş dronlardan kam ahamiyatga ega emas»ligini, çunki «madaniyat milliy özlik va çegaralar qalqoni» ekanligini ta’kidladi.
