Namangandagi Chortoq dehqon bozorida yirik yong‘in sodir bo‘ldi

250 kvadrat metr maydonda do‘kon va savdo rastalarining ichki qismida bo‘lgan mahsulotlar yonib ketgan.

Videodan kadr

Bugun, 5 avgust kuni soat 03:39 da Namangan viloyati Chortoq tuman Favqulodda vaziyatlar bo‘limiga «Namangan» MFY Mustaqillik shohko‘chasida joylashgan Chortoq dehqon bozori hududida yong‘in sodir bo‘layotgani haqida xabar kelib tushgan.

Xabarga asosan zudlik bilan voqea joyiga 9 ta yong‘in-qutqaruv ekipaji jalb etilgan.

Dastlabki ma’lumotlarga ko‘ra, 250 kvadrat metr maydonda do‘kon va savdo rastalarining ichki qismida bo‘lgan mahsulotlari yonib ketgan. Tezkor harakatlar natijasida yong‘in kengayib ketishining oldi olinib, 4000 kvadrat metr maydon saqlab qolingan.

Hodisa oqibatida tan jarohati olgan va halok bo‘lganlar yo‘q. Hozirda sodir bo‘lgan yong‘in yuzasidan tergovga qadar surishtiruv ishlari olib borilmoqda.