O‘zbekistonlik talabalar Vengriyada malaka oshirishni boshlashi mumkin

Vengriya qishloq xo‘jaligi vaziri Ishtvan Nad «Dunyo» uchun intervyusida Samarqandda o‘z ishini boshlagan Oziq-ovqat xavfsizligi bo‘yicha xalqaro konferensiya haqida fikrlarini bayon qildi.

Qayd etilishicha, ekspertlar almashinuvi Vengriya-O‘zbekiston munosabatlari uchun ham juda dolzarb.

“Bugungi kun voqeligidan kelib chiqib, oziq-ovqat xavfsizligi xalqaro kun tartibidagi dolzarb masala ekanini ancha oldin anglab yetdik.

Shubhasiz, bugun muhokama qilinayotgan masalalar, xususan, ekspertlar almashinuvi, jumladan, Vengriya-O‘zbekiston munosabatlari uchun ham juda dolzarb. Biz nafaqat talabalar, balki professor-o‘qituvchilar hamkorligiga e’tibor qaratmoqchimiz. Biz ularning umumiy ishiga hissa qo‘shishimizga ishonamiz. Bu O‘zbekiston va Vengriya o‘rtasidagi munosabatlarni yanada mustahkamlaydi.

Avvalroq oliy ta’lim muassasalari talabalari almashinuvi haqida gapirgan edik. Biroq, ularning Vengriyaga borib malaka oshirishi va O‘zbekistonga qaytib, malakali mutaxassis sifatida ish boshlashi uchun oraliq talabalar va mutaxassislar almashinuvi ham juda muhim”, dedi Ishtvan Nad.

Ma’lumot uchun, kecha Samarqandda oziq-ovqat xavfsizligi bo‘yicha xalqaro konferensiya o‘z ishini boshladi.