Jahon | 17:22 / 25.09.2023
9647
2 daqiqa o‘qiladi

Amerikaning ilk Abrams tanklari Ukrainaga yetib keldi

Yaqin oylar ichida yanada ko‘proq tanklar kelishi kutilmoqda.

Foto: Getty Images

Amerika tomonidan ishlab chiqarilgan Abrams tanklarining ilk partiyasi shanba kuni Ukrainaga yetib kelgan, deb xabar bergan The New York Times 25 sentabr kuni AQSh mudofaa vazirligidagi manbasiga asoslangan holda.

Nashr suhbatdoshi gap Ukrainaga va’da qilgan zirhli texnikaning faqat dastlabki qismi haqida ketayotganini aytib, yetkazilgan tanklar soniga aniqlik kiritmagan. Tanklarning qolgan qismi yaqin oylar ichida yetkazib berilishi kutilmoqda.

Ukraina prezidenti Volodimir Zelenksiy ham Abrams tanklari kelishi boshlanganini tasdiqlagan. «Vazir [mudofaa vaziri Rustem] Umerovdan yaxshi yangilik. „Abramslar“ allaqachon Ukrainada va bizning brigadalarimizni kuchaytirishga tayyorlanmoqda. Kelishuv bajarilgani uchun ittifoqchilardan minnatdorman», — deya yozgan prezident ijtimoiy tarmoqlardagi sahifalarida.

AQSh jami Abrams tanklaridan jami 31 ta yetkazib berishni rejalashtirgan, bu miqdor Ukraina armiyasida bitta tank batalyonini tashkil etadi.

  • Ukrainaga Abrams tanklarini yetkazib berish rejasi haqida AQShda ilk bor yanvarda ma’lum qilingandi. May oyida Germaniyada ukrain harbiylarini ushbu tanklarni boshqarishga o‘rgatish boshlandi. Avgust oyi boshida AQSh Ukrainaga tanklarning dastlabki partiyasini yuborish uchun rasman ruxsat berdi.
  • Sentyabr oyi boshida Pentagon Ukrainaga Abrams tanklari uchun kuchsizlantirilgan uranli snaryadlar ham yetkazib berishi haqida e’lon qilgandi.

Mavzuga oid