Afg‘onistondagi zilzila oqibatida 2400 dan ortiq kishi halok bo‘ldi
Qutqaruv xizmatlari Afg‘onistondagi zilzila qurbonlari soni ortishi mumkinligidan ogohlantirmoqda, chunki vayronalarning katta qismi hali tozalanmagan.

Foto: Omid Haqjoo/AP/dpa/picture alliance
Afg‘onistondagi kuchli zilzila oqibatida 2400 dan ortiq kishi halok bo‘ldi. Bu haqda 8 oktyabr, yakshanba kuni toliblar hukumatining Kobuldagi vakili bayonotiga tayanib, dpa va Reuters agentligi xabar berdi. Qutqaruvchilarning taxminicha, odamlar vayronalar ostida qolayotgani sababli qurbonlar soni ortishi mumkin.
7 oktyabr kuni ertalab Afg‘onistonda 6,2 magnitudali zilzila qayd etildi, uning episentri 272 ming kishi istiqomat qiluvchi Hirot shahridan 42 km shimoli-g‘arbda joylashgan. Zilzila o‘chog‘i 10 km chuqurlikda bo‘lgan. Birinchi zilziladan keyin 4,3 dan 6,3 ballgacha bo‘lgan yana bir necha silkinishlar sodir bo‘ldi.
Afg‘onistondagi humanitar inqiroz
AFP ta’kidlashicha, «Tolibon» harakati hokimiyat tepasida turgan Afg‘oniston humanitar inqiroz ichida qolgan, ko‘plab xalqaro tashkilotlar toliblar tomonidan ilgari surilgan talablar tufayli mamlakatdagi ishtirokini kamaytirishga majbur bo‘lgan. O‘tgan yil iyun oyida Afg‘onistonda 5,9 magnitudali zilzila sodir bo‘lib, mingdan ortiq odam halok bo‘lgan edi.
Mavzuga oid

21:58 / 21.05.2025
AQSh «Tolibon»ning terrorchi tashkilot maqomini qayta ko‘rib chiqadi

15:06 / 15.05.2025
O‘zbekiston Afg‘onistondan chorva mollarini import qilishi mumkin

17:22 / 14.05.2025
Afg‘oniston O‘zbekistonga Hirot oq marmarini sovg‘a qildi

17:47 / 12.05.2025