Toshkentga gepatitga qarshi dorilarning navbatdagi partiyasi yetib keldi

C gepatitiga qarshi preparatning navbatdagi, 18-partiyasi 5600 o‘ramda Misrdan Toshkentga yetib keldi.

Foto: Dunyo AA

Dori vositalari mamlakat Sog‘liqni saqlash vazirligining Virusologiya ilmiy-tekshirish institutiga yuborilgan. Ulardan mazkur tibbiyot muassasasida davolanayotgan bemorlar bepul foydalanadi.

O‘zbekistonning Qohiradagi elchixonasi xabariga ko‘ra, Misr hukumati tomonidan O‘zbekistonga hozirgacha yetkazib berilgan 800 ming dona ushbu dori vositasi 133 ming bemorning davolanishiga bo‘lgan ehtiyojni qondiradi.

Mazkur gumanitar aksiya O‘zbekiston prezidentining 2023 yil 20-21 fevral kunlari Misrga rasmiy tashrifi va Misr Sog‘liqni saqlash vazirligi bilan muzokaralar chog‘ida erishilgan kelishuvlarga muvofiq amalga oshirilmoqda. Gumanitar yordam gepatit bilan kasallangan bemorlarni qo‘llab-quvvatlash va ularni davlat hisobidan davolashga yordam beradi.

Tayyorlagan: Отабек Матназаров

#dori #gepatit