Yevropaning 9 ta neft-gaz kompaniyasining 1 yillik tashlamalari 360 ming kishining o‘limiga sabab bo‘ladi – tadqiqot

COP28 sammitining 6-kunida sovitish tizimlaridan chiqayotgan tashlamalar va neft-gaz kompaniyalarining global isishga ta’siri masalalari muhokama qilindi.

Konferensiya davomida 60dan ortiq davlat 2050 yilgacha sovitish tizimi sabab atmosferaga chiqadigan CO2ni 68 foizga kamaytirishga va’da berishdi.

Shu o‘rinda aytish kerakki, dunyo yildan yilga isib ketayotgani sabab sovitish tizimlariga, masalan konditsioner, muzlatgich kabilarga ehtiyoj ortib boraveradi. Bu haqda UNEP ma’lumoti ham e’lon qilindi. Unga ko‘ra, 2050 yilga borib, sovitishga ehtiyoj 3 barobarga oshadi va bu sabab bo‘ladigan atmosfera tashlamalari 4,4 milliard tonnadan 6,1 tonnagacha yetishi mumkin.

“Sovitish tizimi oziq-ovqat sifati va xavfsizligi, vaksinalarni saqlash va odamlarni issiqdan himoya qilish uchun o‘sishi kerak. Lekin bu global isishni oshirish hisobiga bo‘lmasligi kerak", – dedi UNEP ijrochi direktori Inger Andersen sammitdagi nutqi davomida.

Shuningdek, konferensiyada Greenpeace tashkiloti global isish sabab bo‘layotgan o‘limlar haqida oxirgi o‘rganishlarini e’lon qildi. Unga ko‘ra, Yevropaning 9ta eng yirik neft va gaz kompaniyalarining o‘zi 360 ming o‘limga sabab bo‘lishi mumkin. O‘rganishlar Shell, TotalEnergies, BP, Equinor, Eni, Repsol, OMV, Orlen and Wintershall Dea kabi Yevropaning eng yirik 9ta neft va gaz kompaniyasi ustida olib borilgan.

Bu kompaniyalar birgalikda 2022 yilning o‘zida 2,7 milliard tonna CO2 ajratgan va shu miqdor asr oxirigacha 360ming kishining o‘limiga sabab bo‘ladi.

"Kompaniyalar qotillikdan qutilib qoladimi? Hukumatlar yoqilg‘i bilan bog‘liq yangi loyihalarni taqiqlashi, yoqilg‘idan bosqichma-bosqich voz kechish chorasini ko‘rib, kompaniyalarni shunga majburlashi kerak", – deydi Greenpeace’s Fossil Free Revolution vakili Lisa Goldner.