Ўзбекистон президенти Шавкат Мирзиёевнинг таклифига биноан Қатар амири шайх Тамим бин Ҳамад Ол Соний 19 декабр куни амалий ташриф билан Тошкент шаҳрида бўлади.
У коррупцияга қарши курашиш соҳасидаги халқаро мукофотни тантанали топшириш маросимида иштирок этади. Қатар амири ташаббуси билан таъсис этилган мукофот билан 2016 йилдан буён ҳар йили глобал миқёсда коррупцияга қарши курашга қўшган ҳиссасининг эътирофи сифатида таниқли жамоат арбоблари, экспертлар ва журналистлар тақдирланмоқда.
Ташриф доирасида олий даражадаги музокаралар ҳам бўлиб ўтади.
