Top-20 talik reytingdagi kitoblarning aksariyatini o‘zbek tiliga so‘nggi yillarda tarjima qilingan nobadiiy asarlar tashkil etadi.
Asaxiy Books kitob loyihasi O‘zbekistonda “Yil bessellerlari” reytingini taqdim etdi. Undan Asaxiy.uz internet-do‘koni orqali yil davomida O‘zbekistonda bo‘ylab eng ko‘p sotilgan 20 ta kitob o‘rin olgan.
Reytingda 1-o‘rinni yomon odatlarni yo‘qotish, yaxshilarini shakllantirish haqida so‘zlovchi xalqaro besseller – “Atom odatlar” egallagan.
2-o‘rinni moliyaviy savodxonlikka qaratilgan “Latte omili” kitobi band etgan. Kuchli uchlikka “Molxona” asari yakun yasagan.
Yuqori beshlikka kirgan kitoblardan to‘rttasi yoki umumiy reytingga kirgan kitoblarning uchdan bir qismi shaxsiy rivojlanish yo‘nalishidagi asarlar ekani e’tiborga molik. 20 ta kitobning 14 tasi nobadiiy, 6 tasi badiiy asarlar bo‘lib, badiiy kitoblardan faqat bittasi (hajm jihatdan reytingdagi eng kichigi bo‘lmish “Molxona”) TOP-10 talikdan joy olgan.
Ortda qolayotgan yilda o‘zbekistonliklar ijtimoiy-siyosiy mavzulardagi kitoblardan “Mamlakatlar tanazzuli sabablari”, “1984” va “Katta o‘yin. Ikki imperiya to‘qnashuvi” kabilarni ko‘proq xarid qilgan.
Ro‘yxatdagi asarlarning aksariyati o‘zbek tiliga so‘nggi bir necha yil ichida tarjima qilingan.
Asaxiy.uz saytining 2023 yil bessellerlari:
- Jyeyms Klir. “Atom odatlar”
- Devid Bax, Jon Devid Mann. “Latte omili. Moliyaviy mustaqillik va erkin hayot sari”
- Jorj Oruyell. “Molxona”
- Malkolm Gladuell. “Zukkolar va landavurlar”
- Kel Nyuport. Diqqat. “Chalg‘ituvchi dunyoda muvaffaqiyat sirlari”
- Piter Hopkirk. “Katta o‘yin. Ikki imperiya to‘qnashuvi”
- Charlz Uilan. “Yalang‘och iqtisodiyot. Murakkab sohaning sodda qiyofasi”
- Daron Ajyemo‘g‘li, Jyeyms A. Robinson. “Mamlakatlar tanazzuli sabablari. Qudrat, farovonlik va kambag‘allik manbalari”
- Jorj Oruyell. “1984”
- Jon G. Miller. “SOS! Savol ortidagi savol”
- Uolter Ayzekson. “Stiv Jobs”
- Mark Menson. “Beparvolikning nozik san’ati”
- Devid Nikolls. “Bir kun. Bir muhabbat tarixi”
- Javlon Jovliyev. “Qo‘rqma”
- Barbara Oukli. “Raqamlar uchun yaralgan idrok. Matematika va tabiiy fanlarni qanday qoyillatsa bo‘ladi”
- Hans Rosling. “Factfullness”
- Klaus Shvab. “To‘rtinchi sanoat inqilobi”
- Ato Hamdam, Leonid Chigrin. “Yapon zobiti. Yutaro Todaning asirlikda boshdan kechirganlari”
- Teodor Drayzer. “Sarmoyador”
- Rey Bredberi. “Farengeyt bo‘yicha 451º”
Asaxiy.uz bu kitoblarni yagona to‘plamda, chegirmali narxda taklif qilmoqda. 31 dekabrgacha to‘plam narxi 1 059 000 co‘m o‘rniga 699 000 co‘mni tashkil etadi. To‘plam O‘zbekiston bo‘ylab bepul yetkazib beriladi.
