Şveytsariyaning Davos şahrida bölib ötayotgan Jahon iqtisodiy forumida Yevropa va jahon siyosatçilari hamda yirik biznes vakillari Ukrainani Rossiyadan himoyalanişda qöllab-quvvatlaşni davom ettirişini bildirdi va Kiyev hal qiluvçi pallada taşqi moliyaviy yordamni boy berayotganidan xavotir bildirdi. Biroq, şu bilan birga, ular ham oçiqçasiga, ham sahna ortida uruşni diplomatik yöl bilan tugatişga çaqirdi, deb yozdi Amerikaning The New York Times gazetasi 16 yanvar, seşanba kuni.
Naşrning ta’kidlaşiça, bu hafta Davosda Ukrainadagi uruş mavzusi «sezilarli böldi, ammo dominant emas». The New York Times seşanba kungi forumda Ukrainaga bağişlangan ikki voqeani eslatib ötadi: Ukraina mineral zaxiralarining Yevropa qayta tiklanadigan energiyaga ötişidagi ahamiyatiga bağişlangan muhokama va uruşda Ukraina uçun jang qilgan tört ayolning nutqi.
Zelenskiy Rossiya rahbariyatini ayblab çiqdi
Bundan taşqari, 16 yanvar kuni Ukraina prezidenti Volodimir Zelenskiy Davos forumida nutq sözladi. U Rossiya Federatsiyasi va Ukraina örtasidagi mojaroni muzlatiş ğoyasini rad etib, «Rossiya rahbariyati muzlatilgan narsadan qoniqmaydi», dedi. «Uruşni muzlatiş bilan u tugaganini anglatmaydi. 2014 yildan keyin Donbassda uruşni töxtatişga urinişlar böldi, nufuzli kafillar bor edi», deb eslatdi Zelenskiy. Ukraina prezidenti ofisi rahbari Andrey Yermak ham yakşanba kuni Davosdagi matbuot anjumanida: «Ukrainaga muzlatilgan mojarolar kerak emas, Ukrainaga adolatli dunyo kerak», dedi.
Bungaça, 15 yanvar kuni forumda Zelenskiy tomonidan 2022 yil noyabrida taqdim etilgan «tinçlik formulasi» muhokama qilindi. Unga Rossiya qöşinlarini Ukrainaning xalqaro tan olingan hududidan töliq olib çiqib ketiş, harbiy jinoyatçilarni jazolaş va Ukrainaga yetkazilgan zarar uçun tovon tölaş kiradi. Şu kuni Şveytsariyada Ukrainadagi mojaroni tinç yöl bilan hal etiş böyiça konferensiya Rossiya iştirokisiz ötkazilişi ma’lum böldi. Avvalroq Şveytsariya taşqi işlar vaziri Inyatsio Kassis Rossiyaning muzokaralarga qöşilişi tarafdori bölib, busiz «tinçlik bölmaydi» degan edi.
Putin 16 yanvar kuni Rossiya Federatsiyasi «sönggi bir yarim yil içida Ukrainada qölga kiritgan yutuqlaridan voz keçmasligini» aytdi.
Ğarb Ukrainaga yordam va’da qildi
AQŞ davlat kotibi Entoni Blinken Davos forumida Zelenskiyni Oq uy Ukrainani qöllab-quvvatlaşni davom ettirişda «qat’iy» ekani va «bu maqsadga erişiş uçun Kongress bilan juda yaqin hamkorlik qilayotganiga işontirdi. Yevropa komissiyasi raisi Ursula fon der Lyayyen «Ukraina 2024 yil va undan keyingi yillar uçun moliyalaştirişda aniqlikka muhtoj», dedi hamda Ukraina qurolli kuçlariga «Ukrainani himoya qiliş va uning qonuniy hududini qaytarib oliş uçun uzluksiz qurol-yaroğ ta’minoti» kerakligini eslatdi.
