Mariupolda saylovga tayyorgarlik va ukrainlarning Kupyansk atrofidagi pozitsiyalari. Urush suratlari

Ukrainada urushning 708-kuni o‘tdi. Asosiy ma’lumotlar:

• Yevroittifoq Ukrainaga 50 milliard yevro miqdoridagi yordam paketini ma’qulladi. Shu paytgacha yordam ajratish masalasini bloklab kelayotgan Vengriya ham bunga rozi bo‘ldi. Shuningdek, Bryusseldagilar Rossiya davlat aktivlaridan keladigan daromadlarni Kiyev uchun yo‘naltirish masalasini ko‘rib chiqishmoqda.
• Rossiya Tergov qo‘mitasi ma’lum qilishicha, halokatga uchragan Il-76 samolyotidagi barcha yo‘lovchilarning jasad qoldiqlari aniqlangan. Tergovchilarda samolyot bortida bo‘lgan barcha ukrainalik harbiy asirlarning genetik profili mavjudligi ma’lum qilingan.
• Volodimir Zelenskiy Ukraina QK bosh qo‘mondoni Valeriy Zalujniyni bir hafta ichida iste’foga chiqaradi, deb xabar bermoqda CNN telekanali o‘z manbalariga tayanib. Avvalroq Ukraina prezidenti ofisi Zalujniyning iste’fosi to‘g‘risidagi barcha xabarlar haqiqatga to‘g‘ri kelmasligini ma’lum qilgandi. Ukraina mudofaa vazirligi ham bosh qo‘mondon ishdan bo‘shatilishi haqidagi xabarlarni rad etgan.
• Ukraina razvedkasi 1 fevralga o‘tar kechasi mamlakat qurolli kuchlari Rossiya Qora dengiz flotining «Ivanovets» raketa katerini cho‘ktirib yuborganini ma’lum qildi. RF mudofaa vazirligi bu xabarni izohlamagan. Kema bortida qancha odam bo‘lgani va ular evakuatsiya bo‘lishga ulgurgani ma’lum emas.
• Turkiyadagi banklar RFdan bo‘lgan kompaniyalarning hisoblarini yopmoqda va Rossiyadan bo‘lgan jismoniy shaxslar uchun talablarni qat’iylashtirmoqda.

Ukrainlarning Kupyansk atrofidagi pozitsiyalari

Kupyansk — Xarkiv oblastidagi strategik muhim shahar bo‘lib, bu yerda yirik temiryo‘l tuguni joylashgan. RF armiyasi Kupyanskni 2022 yil 27 fevralida egallagandi va undan shaxsiy tarkib hamda qurol-yarog‘larni oldingi chiziqlarga o‘tkazish uchun foydalangan. Ukrainalik harbiylar 2022 yil sentabrida Kupyanskni ozod etishgandi.

Hozirda Rossiya qo‘shini yana ushbu shaharni egallab olishga harakat qilmoqda. Ukrainalik fotograflar Konstantin va Vlada Liberovlar Kupyanskka kelib, «Edelveys» nomli 10-alohida tog‘-shturm brigadasi o‘z pozitsiyalarini qanday ushlab turishgani va yaradorlarni oldingi chiziqdan qanday evakuatsiya qilishganini kadrlarga muhrlashdi.

Mariupolda Putin uchun tashviqot