YTH oqibatida Nexia haydovchisi va tez yordam mashinasining bir nafar yo‘lovchisi tan jarohat olgan.
Foto: Ijtimoiy tarmoqlar
Olmazor tumanida tez yordam mashinasi ishtirokida YTH sodir bo‘ldi. Toshkent shahar IIBB YHXB matbuot xizmati holat yuzasidan ma’lumot berdi.
Ma’lum qilinishicha, YTH 4 fevral kuni soat 16:30 larda Nurafshon-Beruniy ko‘chalari chorrahasida sodir bo‘lgan. 1982 yilda tug‘ilgan N.K. boshqaruvidagi Ford rusumli tez yordam mashinasi hamda 1987 yilda tug‘ilgan M.A. boshqaruvida bo‘lgan Nexia to‘qnashib ketgan.
YTH oqibatida Nexia haydovchisi va tez yordam mashinasining bir nafar yo‘lovchisi tan jarohat olgan.
Holat yuzasidan Toshkent shahar IIBB YHXB xodimlari tomonidan surishtiruv ishlari amalga oshirilmoqda.
Oldinroq Toshkentda beshta mashina ishtirokida YTH sodir bo‘lgandi.
