Qamoqxonada ölgan Navalniy, Avdiyivkani tark etgan Ukraina va Netanyahuning yallo qilayotgan öğli - kun dayjesti

Navalniyning ölimi

Rossiya muxolifat yetakçisi Aleksey Navalniy qamoqxonada vafot etdi. Navalniyning qarindoşlari hali buni tasdiqlaganiça yöq.

Dunyo yetakçilari uning ölimida Vladimir Putinni ayblab bayonotlar bermoqda. Jumladan, AQŞ prezidenti Jo Bayden ham.

«Rossiya hokimiyati özining versiyasini aytadi, lekin aldanmanglar, Navalniyning ölimida bor javobgarlik Putinning zimmasida», — degan Bayden.

Amerika prezidentining qayd etişiça, «Navalniy jasur, prinsipial inson edi va u nima uçun kuraşayotgani va qanday Rossiya uçun işonişini aniq bilardi».

«Navalniy korrupsiya va diktaturaga qarşi kuraşgan. Hattoki qamoqxonada ham u haqiqat ovozi bölib qoldi. Uni zaharlaşganlaridan söng, ölim tahdidiga qaramasdan baribir Rossiyaga qaytdi», — degan AQŞ prezidenti.

Baydenning sözlariga köra Navalniyning ölimi Putinning «yovuzligiga yana bir dalil»dir.

«Biz Ukrainada şohidi bölayotganimizdek, Putin nafaqat boşqa davlatlar fuqarolariga hujum qiladi, balki özining xalqiga nisbatan ham yovuz jinoyatlar sodir etadi», — degan u.

Rossiyaning özida Navalniyning ölimi tufayli kelişilmagan xotira aksiyalar bölib ötgan. Unda uşlangan namoyişçilar soni yuzdan ortgan. Rossiya prokuraturasi norozilik aksiyasida qatnaşganlarni ekstremizmda ayblab hibsga oliş bilan tahdid qilgan.

Ukraina Avdiyivkani topşirdi

Ukraina qurolli kuçlarining yangi boş qömondoni Oleksandr Sirskiy qöşinlarni Avdiyivkadan olib çiqib, afzalroq pozitsiyalarga joylaştirişni e’lon qildi.

Ukrainaning «Tavriya» qöşinlar guruhi qömondoni Oleksandr Tarnavskiy ham bölinmalar Avdiyivkani tark etganini xabar qildi.

Avdiyivkaning egallanişi 2024 yilda Rossiyaning jang maydonlarida erişgan ilk jiddiy muvaffaqiyati böladi. Rossiya qöşinlari tomonidan egallangan sönggi şahar Baxmut edi. U 2023 yilning may oyida egallangan edi. Okkupatsiya ostidagi Donetsk şahridan 25 km naridagi Avdiyivka Rossiya uçun Baxmutdan köra katta strategik ahamiyatga ega. «Yöllar, boğlovçi yöllar va logistikaning katta qismi Avdiyivkada birlaşgan», — degan Ukraina qurolli kuçlari piyoda vzvodi 53-brigadasi qömondoni.

Rossiyaning aholisi kamaymoqda

Rosstat sakkizinçi yildirki Rossiya aholisi tabiiy ravişda kamayib borayotganini qayd etdi.

Vladimir Putinning sakkiztadan farzand köriş haqidagi çaqiriqlariga qaramasdan, Rossiyada demografik qiriliş spirali buralişda davom etmoqda. Aholining tabiiy kamayişi natijasida 2023 yilda Rossiya 495 ming aholisidan ayrilgan. Ya’ni ölimlar soni tuğilişlar sonidan ustun kelgan. Bu Rosstat tarqatgan rasmiy ma’lumot.

Yil yakunlariga köra garçi ölganlar soni 1990-yillar boşidan buyon ilk marta 7,6 foizga qisqarib 1,76 millioni qayd etgan bölsa-da, tuğiliş darajasi ham 3,6 foizga pasaygan. Rossiyada ötgan yili 1 mln 264 ming çaqaloq tuğilgan. Bu 1999 yildan buyon eng past körsatkiç.

Aholining tabiiy qisqarişi sakkizinçi yildirki davom etmoqda va 2016–2023 yillarda umumiy soni 3,5 mln kişini taşkil etgan. 2000 yillardan boşlab mamlakat ölimlar sonining tuğilişdan kattaligi natijasida 11 mln odam yöqotgan. Bu Sankt-Peterburg aholisining ikki barobariga teng.