Nukus va viloyat markazlari uchun mingta avtobus xarid qilinadi

“2024 yil I choragiga mo‘ljallangan investitsiya dasturini amalga oshirish chora-tadbirlari to‘g‘risida”gi hukumat qaroriga ko‘ra, 2024 yilda Xitoy banki Transport vazirligiga tabiiy gazda harakatlanuvchi 1000 dona avtobus hamda “Toshshahartransxizmat” korxonasi uchun 200 dona elektrobus xaridi uchun jami 180 mln dollar miqdorida qarz mablag‘lari ajratadi.

Nukus shahri va viloyat markazlari jamoat transporti uchun 1000 dona siqilgan tabiiy gazda harakatlanuvchi katta sig‘imli avtobuslar xarid qilish uchun xalqaro moliyaviy tashkilotdan 120 mln dollar jalb qilinadi.

“Toshshahartransxizmat” tomonidan harakat tarkibini 200 dona katta sig‘imli elektrobuslar va ular uchun quvvatlash uskunalarini xarid qilish yo‘li bilan yangilashni tashkil etish uchun 60 mln dollar jalb qilinadi.