Rossiyaning Ukrainaga keng kölamli hujumi boşlanganidan ikki yil ötib, bu mamlakatni qöllab-quvvatlaş yevropaliklar orasida keng tarqalganiça qolyapti. Şu bilan birga, har öninçi yevropalik Ukraina Rossiyaga qarşi uruşda töliq ğalaba qozonişi mumkinligiga işonadi. Bu haqda 21 fevral, çorşanba kuni Britaniyaning The Guardian gazetasi YouGov va Datapraxis sotsiologik institutlari tomonidan 2024 yil yanvar oyida Yevropa Ittifoqining 12 davlatida ötkazilgan sörovnomaga tayanib xabar berdi.
Hatto Ukrainaga nisbatan eng optimistik mamlakatlar – Polşa, Şvetsiya va Portugaliyada ham har beşinçi respondentdan kamroği (17 foiz) Ukraina qurolli kuçlarining ğalabasiga işonadi. Öz navbatida, Rossiyaning Ukrainaga qarşi uruşda ğalaba qozonişini ikki baravar köp yevropaliklar - 20 foiz kişi ehtimoliy yakun deb hisoblamoqda. 12 mamlakatning barçasida uruş qandaydir «murosaviy kelişuv» bilan tugaydi, degan fikr eng keng tarqalgan: sörov iştirokçilarining 37 foizi bu prognozga rozi. Respondentlarning taxminan uçdan bir qismi «Menga farqi yöq, bularning heç birini bilmayman» javob variantini körsatdi.
Şvetsiya, Portugaliya va Polşada sörov iştirokçilarining deyarli yarmi yoki töliq yarmi Yevropa Rossiya Federatsiyasiga qarşi uruşda Ukrainaga yordam berişi kerakligini ta’kidladi. Vengriya (64 foiz), Gretsiya (59 foiz), Italiya (52 foiz) va Avstriyada (49 foiz) respondentlarning aksariyati Kiyevni Rossiya bilan kelişuvni qabul qilişga undaş zarur, deb hisoblaydi. Germaniya, Fransiya, Niderlandiya va Ispaniyada bu boradagi fikrlar bir tekis taqsimlangan, deya ta’kidlaydi naşr.
Yevropaliklar Ukrainaning harbiy ğalabasiga işonmayapti
Şu bilan birga, respondentlar Ukrainaning qarşi hujumi töxtab qolganiga işora qilib, noyabr oyida bölib ötadigan prezidentlik saylovlarida Donald Tramp ğalaba qozonsa, Vaşington siyosati özgarişidan qörqyapti. «Yevropaning Ukrainani qöllab-quvvatlaşini oqlaş uçun YeI yetakçilari uruş haqida gapiriş uslubini özgartirişga majbur böladi», dedi sörovnoma mualliflaridan biri, Yevropa taşqi aloqalar kengaşidan Mark Leonard.
Uning ta’kidlaşiça, köpçilik yevropaliklar allaqaçon «Rossiyadagi ğalabaning oldini olişga intilib böldi» va Kiyev harbiy ğalaba qozonişiga işonmaydi. Bu şuni anglatadiki, borgan sari şubha bilan qarayotgan yevropaliklar uçun eng işonçli dalil Ukrainaga yordamni davom ettiriş böladi, bu «Kiyevga foyda keltiradigan muzokaralar natijasida barqaror tinçlikka olib kelişi mumkin», deya ta’kidlanadi.
