Davlat organlarida xotin-qizlar va erkaklar uchun teng huquqni ta’minlash bo‘yicha maslahat-kengashi tuziladi

Davlat organlarining rahbarlari xotin-qizlar va erkaklar uchun teng huquq hamda imkoniyatlarni ta’minlash masalalari bo‘yicha tadbirkorlik sub’yektlari, shuningdek fuqarolar o‘zini o‘zi boshqarish organlari, nodavlat notijorat tashkilotlari va fuqarolik jamiyati boshqa institutlari vakillari ishtirokida maslahat-kengash organlarini tuzishi mumkin.

Davlat organlarida xotin-qizlar va erkaklar uchun teng huquq hamda imkoniyatlarni ta’minlash masalalari bo‘yicha vakolatli mansabdor shaxs belgilanadi va bu  majburiyatlarni bajarish davlat organi rahbarining o‘rinbosarlaridan biri zimmasiga yuklatiladi.

Belgilab qo‘yilishicha:

• maslahat-kengashi organlari o‘z ishini jamoatchilik asosida olib boruvchi va doimiy faoliyat yurituvchi organ hisoblanadi;
• maslahat-kengashi organlari o‘z faoliyatini qaror bilan tasdiqlangan namunaviy nizomga muvofiq ishlab chiqilgan va tegishliligi bo‘yicha davlat organlarining ichki buyrug‘i bilan tasdiqlanadigan nizom asosida amalga oshiradi;
• davlat organlari rahbarlari tegishli maslahat-kengashi organlari faoliyatini samarali tashkil etishga shaxsan javobgar hisoblanadi.

Quyidagilarni nazarda tutuvchi davlat organlarida xotin-qizlar va erkaklar uchun teng huquq hamda imkoniyatlarni ta’minlash masalalari bo‘yicha maslahat-kengashi organlari faoliyatini tashkil etish bo‘yicha namunaviy nizom tasdiqlanadi:

• maslahat-kengashi organlarining huquqiy maqomi, asosiy vazifalari, funksiyalari, huquq va majburiyatlari;
• maslahat-kengashi organlarining tarkibini shakllantirish va ishini tashkil etish tartibi, shuningdek, ular tomonidan qabul qilingan qarorlar mohiyati;
• maslahat-kengashi organlari faoliyatini muvofiqlashtirish.

Oila va xotin-qizlar qo‘mitasi davlat organlarida xotin-qizlar va erkaklar uchun teng huquq hamda imkoniyatlarni ta’minlash masalalari bo‘yicha maslahat-kengashi organlari faoliyatini samarali tashkil etilishini ta’minlash maqsadida doimiy ravishda uslubiy-amaliy ko‘maklashib boradi.