“O‘zbekinvest” kompaniyasi biznes jarayonlariga sun’iy intellekt texnologiyalarini joriy qila boshladi

2024-yil yanvar oyidan boshlab “O‘zbekinvest” O‘zbekiston sug‘urta bozorida birinchi bo‘lib 15 turdagi sug‘urta polislarini to‘liq elektron formatga o‘tkazdi, bu esa mahalliy xizmatlarning shaffofligini ta’minladi va axborotni saqlash va qayta ishlash imkoniyatlarini kengaytirdi.

2024 yil yanvar oyidan boshlab “O‘zbekinvest” xalqaro IT-hamkori GlowByte ko‘magida sun’iy intellekt texnologiyalaridan foydalangan holda real vaqt rejimida sug‘urtadan oldingi tekshiruvlarning innovatsion tizimini (Talys.SDE) ishga tushirdi. Bugungi kunda bu tizim kompaniyaning umumiy mijozlar bazasidagi polislarning 87 foizi ma’lumotlarini qayta ishlash imkonini beradi.

2023 yil yakuniga ko‘ra kompaniya avtomobil egalari bilan 809 mingdan ortiq shartnoma tuzib, avtomobillarni majburiy sug‘urta qilish bozoridagi yetakchi mavqeini saqlab qoldi.

Yangi va dolzarb sug‘urta mahsulotlarini bozorga chiqarish natijasida jismoniy shaxslarni sug‘urtalash segmentida 105 mlrd so‘m sug‘urta mukofotlarini yig‘ilishi ta’minlanib, 2022 yil yakuniga nisbatan 168 foizga o‘sdi.

2023 yil davomida avtomobil egalariga 19,4 milliard so‘mdan ortiq sug‘urta tovonlari to‘landi.

Kompaniyaning 2024-yildagi eng muhim vazifalaridan biri - kompaniya faoliyatini raqamlashtirish va sug‘urta qaltisliklarini baholash va qarorlarni qabul qilish tizimiga sun’iy intellektni joriy etish bo‘yicha ishlarni jadallashtirish hamda aholi va korporativ mijozlar uchun raqamli platformalar va mobil ilovalarda yangi istiqbolli sug‘urta mahsulotlarini ishlab chiqishdir.

Koll-markaz: (+998) 71−207−60−00, 1160

Sayt | Facebook |Instagram | Telegram | YouTube