Yoshlarni zamonaviy kasblarga o‘qitish bo‘yicha maxsus platforma ishga tushiriladi

“O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi prezident farmoniga ko‘ra, dastlabki bosqichda mazkur platforma orqali 250 ming nafar yoshlar qamrab olinadi.

Farmonga ko‘ra, 2024 yil 1 martdan “Yoshlar daftari” jamg‘armasi mablag‘lari yoshlarni chet tillari va kasb-hunarga o‘qitish maqsadlariga yo‘naltiriladi.

Yosh xotin-qizlarni tadbirkorlik, marketing, grafik-dizayn kabi zamonaviy kasblarga o‘rgatish uchun “Qizlar akademiyasi” platformasi ishga tushiriladi. 

Hujjatda qayd etilishicha, bu orqali yosh xotin-qizlar uchun turli tanlov, loyihalar, o‘quv oromgohlari, stajirovkalar tashkil etiladi.