O‘zbekiston tashqi ishlar vaziri Baxtiyor Saidov Hindiston elchisi Manish Prabxat bilan uchrashdi.
Foto: Telegram / bakhtiyor_saidov
Tashqi ishlar vazirligi xabariga ko‘ra, Manish Prabxat Hindistonning mamlakatdagi elchixonasi rahbari sifatida diplomatik missiyasini yakunlayapti.
“Biz Elchi janoblarining faoliyati davomida O‘zbekiston va Hindiston o‘rtasida strategik sheriklikni boyitish borasidagi sa’y-harakatlarini yuqori baholaymiz va kelgusi ishlarida muvaffaqiyatlar tilaymiz”, deya ma’lum qildi Baxtiyor Saidov.
Manish Prabxat Hindiston diplomatik missiyasini 2020 yil oktyabr oyidan beri boshqarib kelmoqda.
