Maktab bitiruvchilari o‘rgangan hunari bo‘yicha imtihon topshiradi va ularga elektron sertifikat beriladi

Muhokamalar portaliga «Umumiy o‘rta ta’lim muassasalari bitiruvchilariga o‘rgangan kasb-hunari bo‘yicha amaliy imtihonlarni o‘tkazish va davlat namunasidagi elektron sertifikat berish tartibi to‘g‘risida nizomni tasdiqlash haqida»gi hukumat qarori loyihasi joylashtirildi. 

Loyihaga ko‘ra, kasb-hunar egallagan va va amaliy imtihondan o‘tgan bitiruvchilarga 2024-2025 o‘quv yilidan boshlab, umumiy o‘rta ta’lim muassasalari hamda «Ishga marhamat» monomarkazlari tomonidan imzolanadigan, ularga ishlash huquqini beruvchi elektron shaklda sertifikat beriladi.

Har bir bitiruvchining bandlik holatini onlayn monitoring qilib borish maqsadida kasb.maktab.uz platformasi «bandlik xizmati» (abkm.mehnat.uz) axborot tizimi va boshqa axborot tizimlariga integratsiya qilinadi.

Mazkur sertifikat O‘zbekiston milliy malakalar ramkasining 2-darajasiga tenglashtiriladi.