Qoʻshimcha funksionallar
-
Tungi ko‘rinish
O‘zbekiston tarixiy suratlari to‘plami YuNESKO «Jahon xotirasi» ro‘yxatiga kiritildi
Tarixiy Turkistonning ilmiy va tarixiy ahamiyatga ega bo‘lgan nodir fotosuratlari va Xudoybergan Devonovning Xorazm vohasi fotosuratlari YuNeSKO tomonidan e’tirof etildi.
Foto: Madaniyat va san’atni rivojlantirish jamg‘armasi
«Turkiston albomi» va «Xudoybergan Devonovning Xorazm vohasi fotosuratlari» to‘plami YuNESKO «Jahon xotirasi» ro‘yxatiga kiritildi. Bu haqda Madaniyat va san’atni rivojlantirish jamg‘armasi xabar berdi.
7–8 may kunlari Mo‘g‘uliston poytaxti Ulan-Bator shahrida YuNESKO Osiyo va Tinch okeani havzasi bo‘yicha Jahon xotirasi qo‘mitasining 10-yig‘ilishi bo‘lib o‘tdi. Unda YuNESKO ishlari bo‘yicha O‘zbekiston milliy komissiyasi ko‘rsatgan to‘plamlar Osiyo va Tinch okeani havzasining «Jahon xotirasi» ro‘yxatiga kiritildi.
«Turkiston albomi» ilmiy va tarixiy ahamiyatga ega bo‘lgan nodir fotosuratlar va rangli tasvirlarni o‘z ichiga olgan hamda O‘zbekiston Milliy kutubxonasi fondlarida saqlanadi. U tarixiy, arxeologik, etnografik va hunarmandchilik bo‘limlaridan iborat.
«Xudoybergan Devonovning Xorazm vohasi fotosuratlari» albomi xivalik o‘zbek fotograf-novatori, kinematografi, rejissyori va operatori Xudoybergan Devonov kolleksiyasini aks ettiradi. U Xorazm rivojlanishining turli davrlarini o‘z ichiga oladi: Muhammad Rahimxon II, Feruz (1864−1910), Asfandiyorxonning (1910−1918) hukmronlik yillari, Xorazm Xalq Sovet Respublikasi (XXSR, 1920−1924) va O‘zSSR (1925−1937) tashkil topgan yillar.
Mavzuga oid
21:15 / 11.12.2025
Sumalak tayyorlash YuNeSKO nomoddiy madaniy merosi ro‘yxatiga kiritildi
13:00 / 11.12.2025
Qoraqalpoq o‘tovi YuNeSKO nomoddiy madaniy merosining Reprezentativ ro‘yxatiga kiritildi
17:45 / 10.12.2025
Saida Mirziyoyeva qo‘biz va o‘tovning YuNeSKO madaniy meros ro‘yxatiga kiritilganini olqishladi
11:20 / 10.12.2025