O‘zbekistonda «yashil» iqtisodiyotga o‘tishda milliy shaffoflik tizimi joriy etiladi

“Yashil” iqtisodiyotga o‘tish choralarini muvofiqlashtirish bo‘yicha idoralararo kengashga issiqxona gazlarining xatlovi bo‘yicha qo‘shimcha vazifalar yuklandi.

“O‘zbekistonda “yashil” iqtisodiyotga o‘tishda milliy shaffoflik tizimini joriy etish chora-tadbirlari to‘g‘risida”gi prezident qarori qabul qilindi.

O‘zbekistonda “yashil” iqtisodiyotga o‘tish choralarini muvofiqlashtirish bo‘yicha idoralararo kengashga issiqxona gazlarining xatlovi bo‘yicha quyidagi qo‘shimcha vazifalar yuklandi:

🔹issiqxona gazlari xatlovi hisobotini tasdiqlash;
🔹xatlov tizimining ichki qoidalarini tasdiqlash va yangilab borish;
🔹issiqxona gazlari ajratmalarini kamaytirish faoliyatini muvofiqlashtirish;
🔹xatlov tizimi ishtirokchilarining salohiyatini oshirish choralarini ko‘rish.

2024 yil 1 dekabrgacha milliy shaffoflik tizimi onlayn platformasi (onlayn platforma) ishga tushirilishi va uning “Yashil” iqtisodiyot onlayn platformasiga integratsiya qilinishi ta’minlanadi.

2025 yil 1 yanvargacha tajriba-sinov tariqasida muayyan soha, hudud va korxonalarda issiqxona gazlari ajratmalari xatlovdan o‘tkazilishi ta’minlanadi.

Bunda, onlayn platformaning faoliyati Iqtisodiyot va moliya vazirligi huzuridagi “Yashil” iqtisodiyot loyihalari markazi tomonidan muvofiqlashtiriladi.