“Hosili köp, xaridori yöq piyoz” - bahorgi piyoz nega dalada qolib ketyapti?

Dehqonlar piyozni rejasiz yetiştirişyaptimi?

Özbekiston agrobiznes assotsiatsiyasi rahbari Kamoliddin Ikromovning aytişiça, ötgan mavsumlarda piyoznining “yili kelgan”. Natijada dehqonlar yaxşi daromad körgan. Şu boisdan bu galgi mavsumda ular yana ham köproq piyoz ekkan.

“Bu yil ham öşanday daromad körişdan umid qilib, dehqonlar özini piyozga urdi. Hozir meva-sabzavotni eksport qiliş sohasi ança yaxşilandi – davlat aralaşmayapti. Endi dehqon va tadbirkorda mas’uliyat oşişi kerak, davlatga tönkab bölmay qolyapti” – deydi Kamoliddin Ikromov.   

Mutaxassisning qayd etişiça, dehqonlar yerga piyoz uruğini sepayotganidayoq katta tavakkal qiladi. Çunki u ekayotgan piyoz uruği qanday hosil beradi, sotiladimi yoki yöq buni ham aniq bilmaydi.

Biroq mutaxassislar taşqarida 21-asr ekanligini, hatto dehqonçilikda ham tavakkalçilikni kamaytiriş mumkin va şart ham deb hisoblamoqda.

Xususan, mamlakat böylab qança dehqon, qança yerda piyoz yetiştirayotganini biliş uçun maxsus internet makonlar taşkil qiliş, ulardan foydalanişni dehqonlarga örgatiş, esportçi tadbirkorlarni dehqonlar bilan boğlovçi internet vositalarni şakllantiriş orqali dehqonning işidagi tavakkalçilikni kamaytiriş mumkinligi dunyo tajribasida isbotini topib kelyapti.

Bundan taşqari, yetiştirilgan piyoz, kartoşka kabi muhim mahsulotlarning uvolini kamaytiriş uçun, davlat intervensiyasi, ya’ni davlat tomonidan xarid qiliş yöli ham bor.