U ayollarga daromadli ish topib berishni va’da qilgan.
Foto: IIBB axborot xizmati
Toshkent xalqaro aeroportida odam savdosi bilan bog‘liq holatga chek qo‘yildi. Bu haqda Toshkent viloyati IIBB xabar berdi.
Qayd qilinishicha, Toshkent viloyati, Bo‘stonliq tumanida yashovchi 42 yoshli ayol 22-43 yosh orasidagi to‘rt nafar ayolni fohishalik bilan shug‘ullantirish uchun Turkiyaga jo‘natmoqchi bo‘lgan. U ayollarga daromadli ish topib berishni va’da qilgan va Toshkent-Istanbul aviareysi orqali Turkiyaga yuborayotganida ushlangan.
Holat yuzasidan Jinoyat kodeksining 135-moddasi (Odam savdosi) bilan jinoyat ishi qo‘zg‘atilib, tergov harakatlari olib borilmoqda.
