Amirsoyga olib boruvchi yo‘lda transport harakati vaqtincha cheklanadi

IIV YHXX xabariga ko‘ra, 29–30 iyun kunlari Toshkent viloyati Bo‘stonliq tumanida Amirsoy dam olish maskanida o‘tkazilayotgan Sky Camp Bo‘stonliq-2024 festivali munosabati bilan marafon tashkil etilyapti.

Ushbu marafonda harakat xavfsizligini ta’minlash maqsadida Bo‘stonliq tumani hokimining tegishli farmoyishi asosida 4R6 Toshkent—Chirchiq—Chimyon avtomobil yo‘lining 56-kilometridan va mazkur yo‘lga o‘tuvchi 4R12 avtomobil yo‘li 61-kilometrida transport vositalari harakati vaqtincha cheklanadi.

Shu sababli haydovchilardan Chimyon, Amirsoy, Bildirsoy dam olish maskanlariga boruvchi fuqarolarga Chorvoq—“Piramida”—Yusufxona orqali harakatlanish tavsiya etiladi.