Yaqin o‘tmish yulduzlari, sharhlovchilar va jurnalistlar maydonda. Axbor Imomxo‘jayev xotira turniridan suratlar

Kun.uz 9 iyul kuni 3-turni O‘zFHM jamoasiga qarshi o‘tkazadi. 

2-turning markaziy uchrashuvi esa «Paxtakor» va «Sulola» klublari o‘rtasida kechdi. Axbor Imomxo‘jayev avlodlari birinchi o‘yinda yirik hisobdagi g‘alaba bilan (12:1) o‘zini turnir favoritlaridan biri sifatida namoyish etgandi. Pavel Bugalo, Murod Aliyev, Anvar Soliyev, Akmal Shorahmedov, Sobir Hodiyev, Azamat Abduraimov, Shuhrat Maqsudov va Ilhom Sharipov kabi yaqin o‘tmish yulduzlaridan iborat bo‘lgan «Paxtakor» jamoasi esa 1-turda kutilmaganda Championat.Asia bilan durang o‘ynab (3:3), faqat penaltilar seriyasidagi g‘alaba evaziga qo‘shimcha bir ochko (jami 2) olgandi. 

Bu safar esa paxtakorchilar to‘liq kuch bilan harakat qilishdi va raqibga hech qanday imkoniyat qoldirishmadi - 8:2.

Sport TV telekanali vakillari - Murod Rizayev, Zohid Karimov, Eldor Mustafoyev, Dilshodbek To‘xtabekov, Orif Tolipov, Zuhriddin Qilichev va Abdulla Nurmonov kabi sharhlovchilardan tuzilgan «Sharhlovchilar» jamoasi 2-turda ham yutqazdi. Birinchi turda Kun.uz jamoasiga 1:5 hisobida yutqazgan sharhlovchilar bu safar Championat. Asia saytiga 0:3 hisobida imkoniyatni boy berdi. 

2 tur o‘yinlaridan keyin O‘FA va Kun.uz jamoalari yo‘qotishsiz bormoqda va to‘plar nisbatiga ko‘ra mos ravishda 1 va 2-o‘rinlarni bo‘lishib turibdi. Shuningdek, oxirgi tur oldidan «Paxtakor» va Championat.Asia jamoalari ham finalga chiqish uchun yaxshi imkoniyatga ega.

Turnir reglamentiga ko‘ra, jamoalar uchtadan o‘yin o‘tkazadi va umumiy reytingda 1-2 o‘rinda bo‘lgan jamoalar finalda to‘qnashadi. 3-4-o‘rinlar sohiblari 3-o‘rin uchun, 5-6-o‘rindagilar 5-o‘rin uchun, 7-8-o‘rindagilar 7-o‘rin uchun, 9-10-o‘rindagilar 9-o‘rin uchun o‘zaro kurash olib borishadi. 

2-turdan keyin turnir jadvalidagi vaziyat:

3-tur o‘yinlari:

Turnir to‘purarlari: