Ularga bozorda talab yuqori. Yevro-2024’da narxi oşgan 10 futbolçi
|02:05 / 27.07.202430 62110 min
Röyxatda - ispanlar köpçilik.
Milliy jamoalar iştirokidagi turnirlar — özini keng jamoatçilik uçun tanitadigan iste’dodli futbolçilar körgazmasidir. Futbolçilar qisqa muddatda öz maşhurligini oşirib oliş va nisbatan kattaroq klubga transfer böliş imkoniyatini qölga kiritişadi. Quyidagi röyxatdagi ayrim futbolçilar ham yangi mavsumni yangi jamoada boşlaşi deyarli aniq bölgan.
Transfermarkt portalida futbolçilarning narxlari yangilangan — Yevro-2024 iştirokçilari orasida ham köplab futbolçilarning transfer narxi oşgan.
10. Dan Ndoy, Şveytsariya
+8 million yevro (14 dan 22 ga)
Şveytsariya milliy jamoasi Yevroda işonçli harakat qildi — guruhda Germaniya bilan durang öynadi, pley-offning ilk bosqiçida Italiyani çiqarib yubordi va çorakfinalda Angliyaga faqat penaltilar seriyasida mağlub böldi. Zommer, Vargas va Froyler kabilar ham yuqori darajali futbol namoyiş etişdi, ammo Transfermarkt faqat «Bolonya» hujumçisi, Manuel Noyyer darvozasini işğol etgan Dan Ndoyni alohida ajratib körsatdi. Uning transfer narxi qariyb uç baravar qimmatlagan va bunda şveysariyalikning klubdagi ajoyib mavsumining ham hissasi bor.
9. Ferdi Kadiöğli, Turkiya
+9 million yevro (21 dan 30 ga)
Yevroning sahna ortida qolgan qahramonlaridan biri. Kadiöğli barça beş öyinni çap qanot himoyaçisi pozitsiyasida ötkazdi, ammo mutaxassislar e’tiborini öziga jalb qila oldi. Ferdi qanotda öziga qarşi öynagan köplab yorqin futbolçilarni töxtatib qoldi, ulkan hajmdagi qora işlarni bajardi, hujumlarga ham qöşildi — u golli uzatma muallifi bölmasa-da, örtaça bir öyinda 3,2 marta zarbadan oldingi uzatmani amalga oşirdi, bu esa qoyilmaqom körsatkiç.
Endi «Fenerbahçe» futbolçisi top-klublardan biriga ötişi kutilayotgani bejiz emas — unga «MYu» va «Yuventus»dan jiddiy qiziqiş bor.
8. Jamal Musiala, Germaniya
+ 10 million yevro (120 dan 130 ga)
Musiala yangilngan Germaniyada Virs bilan birgalikda asosiy yulduzlardan biri böldi. Yangiça vinger-«önlik» gibrid rolida Jamal özini a’lo darajada körsatdi — turnir davomida uçta gol urdi va nemislarning yangi avlodidagi asosiy iste’dodlardan biri ekanini yana bir bor isbotladi.
Mavzuga oid
Musiala — bir qaraşda köp narsa kutiş tabiiy bölgan tajribali futbolçidek körinadi, aslida esa u hali atigi 21 yoşda va uning faoliyatida yana bir neça jahon çempionatlari va Yevrolar bölişi aniq. Şunday ekan, uning transfer narxi hali 130 million yevrodan ham yuqorilaşi mumkin.
7. Dani Olmo, Ispaniya
+ 10 million yevro (50 dan 60 ga)
Bunga işoniş qiyin, turnirning eng yaxşi futbolçilaridan biri bölgan Olmo avvaliga zaxira futbolçisi maqomida edi. De la Fuente uni muhim futbolçi deb hisoblamayotgandi — Dani guruh bosqiçida faqat natijasi ahamiyatsiz bölgan Albaniyaga qarşi uçinçi tur öyinida boşlanğiç tarkibdan joy oldi. U 1/8 finalda Gurjistonga qarşi öyinni ham, keyingi bosqiçda Germaniyaga qarşi öyinni ham zaxira örindiğida boşladi.
Agar Toni Kroos Pedriga jarohat yetkazmaganida nima bölgan bölardi? Olmo maydonga tuşmasligi va gol urmasligi mumkin edi. Fransiya bilan öyinni startda boşlamasligi va ğalaba golini urmasligi mumkin edi. Dani öyin oxirida qahramonga aylangan final ham bölmasligi mumkin edi. Yakundau — «gol plyus pas» tizimida 3+2 oçko işladi va çempion jamoaning qahramonlaridan biriga aylandi. Öz özidan, bunday iştirokdan keyin Olmoga grandlar ov boşladi, «Leypsig» esa, miş-mişlarga köra, uni yangilangan narxida — 60 million yevroga qöyib yuborişga tayyor.
6. Niko Uilyams, Ispaniya
+10 million yevro (60 dan 70 ga)
Endi bu nom nafaqat «Barselona» fanatlari, balki özini top-klub deb hisoblovçi barça jamoalarning muxlislari uçun qiziq. U çempion bölgan jamoadagi muhim futbolçi böldi, usiz sovrin qölga kiritilmasligi mumkin edi. Uilyams atigi ikki gol urib, bir golga uzatma beriş bilan kifoyalangani ajablanarli — u köproq gol urgandek tasavvur uyğotdi.
Muhimi şundaki, Uilyams öz vatandoşlari uçun juda köp vaziyatlar yaratib berdi (aniqroq aytganda, kutilgan assistlar böyiça 2,08 körsatkiçini qayd etdi), raqiblardan dribling işlatib ötib ketdi, muntazam ravişda begona darvoza atrofida keskinlik yaratdi. Endi Niko Yevro davomida vakillari bilan döstlaşib olgan «Barsa» safiga borib qöşilişi mumkin. Şu bilan birga, «Atletik» uni bozordagi narxidan kamroqqa sotişga majbur böladi — şartnomasida badal puli sifatida körsatilgan 60 million yevroga.
5. Rodri, Ispaniya
+10 million yevro (120 dan 130 ga)
10 million yevroga qimmatlagan ispaniyalik futbolçilardan yana biri jamoaning muhim vakili va Yevroning eng yaxşi futbolçisi yakunlab beradi. Rodrini köpçilik öz pozitsiyasida dunyodagi eng yaxşisi deb biladi, Madridda çempionlarni taqdirlaş marosimida esa jamoadoşlari va muxlislar «Oltin töp»ni unga topşirişga çaqirişdi. Kuçli mavsumdan keyin unda bu mukofotni qölga kiritiş uçun yaxşi imkoniyat bor, ammo u öz jamoasi bilan heç bölmaganda Çempionlar ligasi finaliga çiqa olmagani pand berişi mumkin. Ammo Rodri nima bölganda ham klubida va milliy jamoada ideal işladi. Usiz ispanlarning ğalabasi ham bölmasdi.
4. Georgiy Mamardaşvili, Gurjiston
+ 10 million yevro (35 dan 45 ga)
Gurjistonlik posbon ham yuqorida nomlari keltirilgan futbolçilar qatori 10 million yevroga qimmatlagan, Mamardaşvili Yevroning eng yaxşi futbolçilaridan biri böldi. U yangilangan narxlarga köra jahonning eng qimmatbaho darvozaboniga aylandi. U bu örinni Portugaliya — Sloveniya öyini qahramoni Diogu Koşta bilan bölişib turibdi. Öz özidan ularning bu bahosi yoşiga qarab ham berilgan (darvozabonlar mos ravişda 23 va 24 yoşda), ammo ular jiddiy yutuqlarga ham erişdi.
Mamardaşvili Yevro-2024 davomida 30 seyv amalga oşirdi. Ha, bu köp jihatdan gurjistonliklarning mudofaadagi kuçsiz öyini bilan boğliq, ammo bunday natija deyarli rekord degani — bunday statistika yuritilişi boşlanganidan buyon bir turnirda bundan köproq qutqarişni Igor Akinfeyev amalga oşirgan (32 seyv). Şu bilan birga, bu natija Gurjiston 1/8 finaldayoq iştirokini tark etganida qayd etildi. Agar yana bir öyin ötkazilganida — Georgiy rekordçiga aylangan bölardi.
3. Arda Guler, Turkiya
+15 million yevro (30 dan 45 ga)
Turkiyaning hozirgi avlodidagi asosiy iste’dod allaqaçon «Real» a’zosi — lekin u ispan klubidagi birinçi mavsumida köp öyin amaliyotiga ega bölmadi. U barça masala hal bölganidan keyin, mavsum oxiridagi öyinlarda tuşirildi va uning gollari soni boşlanğiç tarkibdagi öyinlari sonidan köproq böldi, yozda esa Turkiya milliy jamoasi safida porladi.
Guler ikki golli pas berdi va muxlislarga yozning eng çiroyli gollaridan birini tuhfa etdi. Uning uzoq masofadan Mamardaşvili darvozasiga yöllagan zarbasidan keyin Ançelotti fikrini özgartirgan bölişi va yangi mavsumda unga köproq öyin vaqti berişi mumkin — bunday vunderkindni zaxira örindiğida uşlab ötiriş töğri bölmaydi.
2. Rikkardo Kalafiori, Italiya
+15 million yevro (30 dan 45 ga)
Italiya 1/8 finaldayoq turnirni tark etdi, ammo agar Kalafiori bölmaganida, pley-offga ham çiqa olmasdi. Italiyalik himoyaçi Xorvatiya bilan öyin oxirida töpni raqib jarima maydoniga qadar olib borib, fanatlarga dramatik yakun taqdim etdi. Uning ajoyib pasidan keyin Dzakkanya aniq zarba yöllab hisobni tenglaştirdi hamda Modriç va jamoadoşlarining guruhdan çiqiş umidiga barham berdi.
Kalafiori Donnarumma bilan birgalikda — nursiz öyin körsatgan Italiyadagi ikki yorqin nuqtadan biri böldi. U serqirra futbolçi bölib, himoyada ham, hujumda ham yaxşi öynadi — töpni oldinga olib borişi, maydonni yaxşi köra olişi va yaxşi pas berişi bilan ajralib turdi. Yaqin vaqtlar içida u «Arsenal» a’zosiga aylanadi — uni top-klubda kuzatiş yanada qiziqroq böladi.
1. Lamin Yamal, Ispaniya
+ 30 million yevro (90 dan 120 ga)
Bu reytingni turnirning eng yaxşi yoş futbolçisi birinçi örinda. Lamin haqida köpçilik uşbu yozdan oldin ham bilardi, ammo turnirga maktab öquvçisi sifatida kelgan uşbu yigitça Ispaniya milliy jamoasining asosiy tarkibida özini körsatdi va uning muvaffaqiyatidagi asosiy omillardan biri böldi. Yarimfinalda Fransiya darvozasiga fantastik gol urdi, turnir davomida tört golga uzatma berdi, sakkiz marta yaqqol golli vaziyat yaratdi (turnir rekordi) — çinakamiga yorqin çiqiş.
Yamal dunyodagi eng qimmatbaho ösmir futbolçi — unga qadar heç kim 17 yoşimda 100 million yevrolik narxga çiqa olmagan. Aftidan, yaqin orada uning darajasidagi vunderkind paydo bölmaydi. Muxlislar Lamin yangi mavsumda yanada kuçayişiga va Ansu Fatining taqdirini takrorlamasligiga umid qilişmoqda.
