Minnesota gubernatori Tim Uolz AQŞ prezidentligi saylovida Kamala Harrisning hamkori böldi. Agar Harris ğalaba qozonsa, Uolz vitse-prezident lavozimini egallaydi. The Wall Street Journal keng jamoatçilikka unçalik taniş bölmagan bu siyosatçi töğrisida ma’lumot berdi.
1964 yilda tuğilgan Uolz Nebraska ştatidagi kiçik şaharçada katta böldi. 17 yoşida AQŞ Milliy gvardiyasiga qöşildi. 1989 yilda Davlat kollejini tamomlagandan söng, Xitoyda bir yil dars berdi. Keyin Milliy gvardiyaga qaytdi.
Oxir-oqibat u Minnesota ştatida örnaşib oldi, u yerda ijtimoiy fanlardan dars berdi, örta maktab futbol jamoasiga murabbiylik qildi va xotini bilan ikki farzandni tarbiyaladi.
Uolz, şuningdek, Milliy gvardiyada xizmat qilişni davom ettirdi, u yerda dala artilleriyasi mutaxassisi böldi, ammo heç qaçon jangovar harakatlarda iştirok etmadi. Milliy gvardiyadagi 24 yillik xizmatdan söng ştab serjanti lavozimida nafaqaga çiqdi.
Uolz 2007 yilda demokrat sifatida ştatning eng konservativ okruglaridan biridan Kongressga saylandi – bu yerda aholi an’anaviy ravişda respublikaçilarni yoqlagan. Demokratning u yerdagi ğalabasi sensatsiyaga aylandi.
Biroq, Uolz «söllarga xos» demokratik siyosatni olib bordi. Masalan, öquvçilar uçun bepul ovqatlanişni qöllab-quvvatladi, sobiq mahbuslar uçun ovoz beriş huquqini, noqonuniy migrantlarga haydovçilik guvohnomasi berilişini yoqladi.
Kongressdagi 12 yillik faoliyatidan söng, Tim Uolz 2018 yilda Minnesota gubernatori lavozimiga saylovda ğalaba qozondi. Hozir u uşbu lavozimni ikkinçi marta egallab turibdi.
Qayd qilinişiça, Uolz Amerikaning qişloq aholisi orasida juda maşhur hisoblanadi. U yerda respublikaçilar, şu jumladan Trampning pozitsiyalari an’anaviy ravişda kuçli bölgan.
Uolzning gubernatorlik davridagi eng katta muammosi 2020 yilda qora tanli Jorj Floydning politsiya xodimlari tomonidan öldirilişi edi. Bu Minnesota ştatining eng yirik şahri Minneapolisda sodir böldi. Şu vaqtda hamma Uolzning Minnesota milliy gvardiyasi kuçlarini uşbu qotillikdan keyin boşlangan tartibsizliklarni bostiriş uçun yuborişga şoşilmayotganini payqadi.
Uning ehtiyotkorligi turliça tavsiflangan - inqiroz davridagi qat’iyatsizlik yoki saylovçilari ziddiyatning har ikki tomonida bölgan vaziyatga töğri munosabat sifatida.
