Toşkent viloyatining Yangiyöl tumanida qariyb bir oydan beri çiqindi poligoni tutab yonmoqda. Bu haqda Kun.uz’ga hududda yaşovçi aholi murojaat bilan çiqdi.
Murojaatçilarga köra, çiqindi poligonidan çiqayotgan tutun atrofni qoplab olgan va buning oqibatida hududda yaşovçi aholi aziyat çekmoqda. Ularning mas’ullarga qilgan murojaatlari esa natijasiz bölgan.
“Çiqindixona bir oydan buyon yonmoqda, ammo heç kimning işi yöq, birov kelib şuğullanmadi bu muammo bilan. Uning tutunidan qariyalar va bolalar nafas olişga qiynalişyapti, bu ularning soğligiga jiddiy ta’sir qilmoqda. Tegişli joylarga murojaat qildik, foydasi bölmadi. Ulardan faqat “endi yonmaydi”, degan bir xil javobni eşityapmiz”, deyiladi murojaatda.
