Toshkentda “ZIL” yuk mashinasi yonib ketdi

Yong‘in tuman FVB xodimlari tomonidan bartaraf etilgan. Yong‘in natijasida tan jarohati olganlar bo‘lmagan.

Foto: Ijtimoiy tarmoqlar

Toshkent shahri Yashnobod tumani Ohangaron ko‘chasining 2-darajali yo‘lida 10 sentabr kuni “ZIL” yuk mashinasida yong‘in kelib chiqdi.

Toshkent shahar IIBB Yo‘l harakati xavfsizligi boshqarmasi xabariga ko‘ra, yong‘in tuman FVB xodimlari tomonidan bartaraf etilgan. Yong‘in natijasida tan jarohati olganlar bo‘lmagan.

Mazkur hodisa yuzasidan Yo‘l harakati xavfsizligi boshqarmasi hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.