“TIQXMMI” Milliy tadqiqot universiteti yana bir nufuzli reytingda dunyoning TOP-1000 talik universitetlari safidan joy oldi

“Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti dunyoning yana bir nufuzli reyting agentligi “THE (Times Higher Education)” tomonidan e’lon qilingan THE World University Ranking-2025 (dunyo universitetlari reytingi) natijalariga ko‘ra, 43.2 ball bilan dunyo universitetlari xalqaro reytingida TOP 601 o‘rinni, Markaziy Osiyo va Kavkazorti davlatlari universitetlari bo‘yicha TOP-2 o‘rinni, O‘zbekiston Oliy ta’lim muassasalari orasida TOP-1 o‘rinni egalladi.

TNe dunyo universitetlari reytingi natijalarini aniqlashda “TIQXMMI” Milliy tadqiqot universiteti quyidagi alohida ko‘rsatkichlar bo‘yicha tegishli o‘rinlarni egalladi:

O‘qitish sifati (Teaching) – 33.4 ball bilan 561-o‘rin;

Tadqiqot sifati (Research quality) – 81.3 ball bilan 299-o‘rin;

Sanoat (Industry) – 48.8 ball bilan 891-o‘rin;

Xalqaro hamkorlik – 39.9 ball bilan 998 o‘rin va umumiy hisobda 43.2 ball bilan TNe dunyo reytingida TOP-601 o‘rinni egalladi.

Eslatib o‘tamiz, joriy yil iyun oyida “Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti “QS (Quacquarelli Symonds)” xalqaro reyting agentligi tomonidan e’lon qilingan QS WUR-2025 (dunyo universitetlari reytingi) natijalariga ko‘ra, TOP 547-o‘rinni egallagan edi.

Tiiame.uz | Facebook | Instagram | Telegram | Youtube

Reklama huquqi asosida