Zelenskiy Radaga öz «ğalaba rejasi»ni taqdim etdi

Ikkinçi punkt. Mudofaa

«Bu Ukrainaning tajovuzkorga qarşi mudofaasini ortga qaytmas qilib mustahkamlaşdir. Bu real maqsad — pozitsiyalarimizni Ukrainadagi jang maydonida va xuddi şu vaqtda uruşni Rossiya hududiga qaytariş, şunda rossiyaliklar uruş nimaligini his qilişlari va Rossiya propagandasiga qaramay, nafratni Kreml tomonga yönaltirişlari mumkin», — degan Ukraina prezidenti. U ukrain harbiylari uçun zarur bölgan «qurollarning aniq röyxati» mavjudligini qayd etgan. Zelenskiy «Kursk operatsiyasi tufayli biz Ukraina çinakamiga qattiq hujum qiladigan bölsa, Putinda doş beriş uçun yetarliça kuç yöqligiga guvoh bölganimiz»ni ta’kidlagan.

Zelenskiy «ğalaba rejasining ikkinçi bandini amalga oşirişning kaliti» quyidagi qadamlar bölişini aytgan:

— Ukraina hududida bufer zonalar yaratilişiga yöl qöymaslik uçun RFning muayyan hududlarida Ukraina qurolli kuçlari amaliyotlarini «muvaffaqiyatli davom ettiriş»;
— Ukraina qurolli kuçlari «pozitsiyalarini butunlay mustahkamlaş» va «Ukrainaning okkupatsiya qilingan hududlarida Rossiyaning yuriş qiliş salohiyatini yöq qiliş»;
— «Ukraina qurolli kuçlari uçun zaxira brigadalarini qurollantirişda hamkorlar yordami»;
— Ukrainadagi aholi yaşaş manzillarini Rossiya zarbalaridan himoya qiliş uçun havo hujumidan mudofaa kuçlarini kuçaytiriş, şuningdek, Ukrainaning Yevropadagi qöşnilari bilan «hamkorlarning havo qalqoni yetib bora oladigan masofalarda» raketa va dronlarni yöq qiliş böyiça «qöşma mudofaa amaliyotlari»;
— Ukraina raketalari va dronlaridan foydalangan holda amalga oşiriladigan operatsiyalarni kengaytiriş, ularni Ukrainada işlab çiqarişni oşirişga investitsiyalar kiritiş;
— «hamkorlar tomonidan Ukrainaning bosib olingan hududlari va Rossiya hududida harbiy infratuzilma obektlari böylab uzoq masofali raketalardan foydalanişga qöyilgan çeklovlarni olib taşlaş hamda Ukrainani uzoq masofali raketalar, dronlar va boşqa zarba beriş vositalari bilan ta’minlaş»;
— «Ukrainaga sun’iy yöldoş va boşqa razvedka vositalari orqali olingan ma’lumotlarni real vaqt rejimida taqdim etiş».

Zelenskiy «ğalaba rejasi»ning uşbu qismining har bir kiçik bandi Ukraina öz maqsadi deb hisoblaydigan ma’lumotlarni içiga olgan. Rejaning mudofaa punktida maxfiy ilova ham mavjud bölib, bu «tegişli harbiy yordam körsatiş salohiyatiga ega bölgan tomonlar»ga yuborilgan, degan Zelenskiy.

Uçinçi punkt. Tiyib turiş

Ukraina öz hududiga Ukrainani Rossiyadan keladigan har qanday harbiy tahdiddan himoya qiliş uçun yetarli bölgan va Rossiya harakatlarining özgaruvçanligini quyidagi şakllarda qisqartiradigan kompleks noyadroviy strategik tiyib turiş paketini joylaştirişni taklif qilmoqda: yoki uruşni yakunlaş uçun adolatli diplomatik jarayonga qöşiladi, yoki Ukraina tomonidan belgilangan harbiy maqsadlarga muvofiq taqdim etilgan tiyib turiş paketini qöllanişi natijasida tajovuzkor uruşni davom ettiriş qobiliyatidan mahrum bölişi kafolatlanadi.

Bu punktda ham maxfiy ilova mavjud bölib, AQŞ, Buyuk Britaniya, Fransiya, Italiya va Germaniya rahbarlari bundan xabardor qilingan.

Törtinçi punkt. Strategik iqtisodiy salohiyat

«Ukrainada tabiiy resurslar, xususan, trillionlab dollarga baholanadigan öta muhim metallar jamlangan. Bular, uran, titan, litiy, grafit va boşqa strategik qimmatli resurslar bölib, ular yoki Rossiya va uning ittifoqçilari, yoki Ukraina va demokratik dunyoni global raqobatda mustahkamlaydi. Ukrainadagi muhim resurslar konlari, Ukrainaning energiya va oziq-ovqat yetiştirişdagi  global salohiyati Rossiyaning uruşdagi eng asosiy maqsadlaridan biri», — degan Zelenskiy.

Uning sözlariga köra, Ukraina AQŞ va boşqa muayyan hamkorlar, xususan, Yevroittifoqqa, «Ukrainadagi muhim resurslarni birgalikda himoya qiliş, birgalikda investitsiya kiritiş va tegişli iqtisodiy salohiyatdan foydalaniş böyiça maxsus kelişuv» tuzişni taklif qiladi.

Strategiya punktida ham maxfiy ilova bölib, «faqat ma’lum şeriklar»ga körsatilgan.

Beşinçi punkt. Uruşdan keyingi davr

«Uruşdan keyin Ukraina eng tajribali va eng yirik harbiy kontingentlardan biriga ega böladi. Bu odamlar — zamonaviy uruşning haqiqiy tajribasiga, Ğarb qurollaridan foydalaniş böyiça muvaffaqiyatli tajribaga hamda NATO harbiylari bilan turliça hamkorlik tajribasiga ega bölgan askarlarimizdir. Ukrainaning bu tajribasidan ittifoq mudofaasini kuçaytiriş va Yevropada xavfsizlikni ta’minlaş uçun foydalaniş kerak», — degan Zelenskiy. U uruşdan keyin AQŞ qurolli kuçlarining Yevropada joylaştirilgan ayrim harbiy kontingentlarini ukrain bölinmalariga almaştirişni taklif qilgan.

Zelenskiyning sözlariga köra, taklif etilgan «ğalaba rejasi» — bu «Kremldagi aqldan ozgan odamlar uruşni davom ettiriş imkoniyatidan mahrum bölişi kafolati», «Ukraina uçun yaşab qoliş kafolati» va «şu bilan bir vaqtda — Yevropa uçun xotirjamlik kafolati»dir.

«Rossiya Ukraina ustidan nazoratni abadiyga yöqotişi va hattoki bunday nazoratga bölgan istagini ham yöqotişi lozim, — deyilgan Zelenskiyning telegram-kanalida e’lon qilingan bayonotda. — Bu Ukraina uçun hayot kafolati. Va şu bilan bir vaqtda — Yevropa uçun tinçlik kafolati. Va bunga erişişimiz uçun sizdan Ukraina birdamligi uçun, Ukrainaning hamkorlar bilan birdamligi uçun işlaşingizni, hamkorlarni işontirişingizni sörayman. Tinmay işlaşni».

Zelenskiy 17 oktyabr kuni «ğalaba rejasi» Yevropa kengaşi yiğilişida taqdim etilişini bildirgan.

RF prezidenti matbuot kotibi Dmitriy Peskov Zelenskiyning «ğalaba rejasi»ga izoh berarkan, Ukraina strategiyasini «özgaruvçan tinçlik rejasi» deb atagan. «Katta ehtimol bilan, bu amerikaliklarning öşa biz bilan oxirgi ukrain qolguniça uruşiş rejasi bölib, Zelenskiy uni „tinçlik rejasi“ deb atayapti. U yerda qandaydir boşqa reja yöq. Ammo çinakamiga tinçlikka qaratilgan boşqa rejasi ham bölişi mumkin: bu Kiyev rejimi özi olib borayotgan siyosat istiqbolga ega emasligini anglaşi böladi», — degan Kreml vakili. U Kiyevdagi hukumat «huşyorlaşişi va Ukrainadagi mojaroga olib kelgan sabablarni anglab yetişi kerakligi»ni qöşimça qilgan.