Rossiya Ğarb davlatlari bilan haqiqiy harbiy qarama-qarşilikka tayyorgarlik körişda davom etmoqda, biroq bundan oldin Şimoliy Atlantika alyansi (NATO) a’zolari örtasida tarqoqlik yaratişga urinişi mumkin, deydi GFR Federal razvedka xizmati (BND) prezidenti Bruno Kal. Rossiyaning töliq miqyosli hujumi oldidan NATO nizomining mustahkamligini sinaş uçun möljallangan mahalliy amaliyotlar amalga oşiriladi, dedi Kal 27 noyabr, çorşanba kuni Germaniya taşqi siyosat jamiyati tomonidan taşkil etilgan tadbirda sözlagan nutqida.
Gap şundaki, Moskva mudofaa ittifoqi nizomining 5-moddasida mustahkamlangan NATO a’zolariga töğridan töğri harbiy yordam körsatiş majburiyatlarini buzişga harakat qiladi. Rossiyaning yuqori martabali amaldorlari NATO davlatlaridan biri uçun qanday qilib «favqulodda vaziyat» yaratişni körib çiqmoqda, bunda alyansning boşqa a’zolari «tegişli munosabat bildirmaydi». Misol tariqasida, BND rahbari Norvegiyaning Şpitsbergen arxipelagiga «hududiy tozalaş» maqsadida «qisqa muddatli hujum» ehtimolini keltirdi. Rossiya Şpitsbergenda alohida huquqlarga ega, biroq ayni paytda Osloning arxipelagdagi xorijliklarga nisbatan siyosati sönggi yillarda qat’iylaşdi.
Bruno Kalning sözlariga köra, Rossiya Federatsiyasi mahalliy aralaşuvining yana bir imkoniyati - mahalliy rusiyzabon ozçiliklarni himoya qiliş bahonasida Boltiqböyi mamlakatlari bilan töqnaşuvdir. Agar bunday mojarolarda NATO Nizomining 5-moddasi qöllanmasa, NATO mudofaa ittifoqi sifatida barbod böladi – bu Rossiya Federatsiyasi tomonidan közlangan maqsad, deb hisoblaydi BND rahbari. «Agar yordam va’dasi samarasiz bölsa, Rossiya tajovuzkor kuç siyosati orqali Yevropada öz ta’sirini kengaytirişi mumkin», — deya ogohlantirdi u.
Germaniya razvedka xizmati rahbari RFdan kelayotgan harbiy xavfga işora qildi
Federal razvedka xizmati (BND) rahbari Bruno Kal Rossiyadan kelayotgan ehtimoliy harbiy tahdidga işora qildi. 14 oktyabr kuni u Germaniya Bundestagining razvedka xizmatlari faoliyatini monitoring qiliş qömitasi oldida sözlagan nutqida: «Eng kamida şu ön yillikning oxirida Rossiya qurolli kuçlari NATOga hujum qila oladi», dedi.
Kalning sözlariga köra, «Kreml Germaniya Federativ Respublikasini duşman deb biladi». «Biz Rossiya bilan töğridan töğri ziddiyatdamiz», — deya ta’kidladi u va Germaniya Rossiyaning tajovuzidan özini himoya qiliş uçun Ukrainaga körsatayotgan yordam miqdori böyiça dunyoda AQŞdan keyin ikkinçi örinda ekanligini ta’kidladi. Germaniya razvedka xizmati rahbari nuqtayi nazariga köra, Rossiya prezidenti Vladimir Putin uçun gap nafaqat Ukraina , balki «aslida yangi dunyo tartibini yaratiş haqida ketyapti».
