Qirg‘iziston va O‘zbekiston «Ishbilarmonlar kengashi»ni tashkil etadi

Qirg‘iziston va O‘zbekiston ikki davlat savdo-sanoat palatalari qoshida «Ishbilarmonlar kengashi»ni tashkil etish niyatida. Bu haqda Qirg‘iziston prezidentining O‘sh viloyatidagi vakolatli vakiliga tayanib 24.kg xabar berdi.

Unga ko‘ra, viloyat rahbari Elchibek Jontoyev O‘zbekistonning Qirg‘izistondagi Favqulodda va muxtor elchisi Saidikomil Niyozxo‘jayev bilan uchrashgan.

Tomonlar, shuningdek, sanoat kooperatsiyasi, transchegaraviy savdoni rivojlantirish va erkin iqtisodiy zonani tashkil etish, «bir tur – ikki davlat» tamoyili bo‘yicha turizmni rivojlantirish, shuningdek, universitetlar va yoshlar o‘rtasidagi gumanitar hamkorlik masalalarini muhokama qildilar.