Qoʻshimcha funksionallar
-
Tungi ko‘rinish
Tailandda fil ispaniyalik talaba qizni o‘ldirib qo‘ydi
Fil uni cho‘miltirayotgan qizga tishini sanchib olgan.
Tailandda fil ispaniyalik talaba qizni tishi bilan o‘ldirib qo‘ydi. Bu haqda EFE agentligi xabar bermoqda.
Fojia Tailandning janubi-g‘arbiy Yao Yay orolidagi Ko Yao maxsus markazida fillarni cho‘miltirish paytida yuz bergan. Fil uni cho‘miltirayotgan qizga tishini sanchib olgan. Keyinroq talaba olgan tan jarohatlari tufayli vafot etdi.
SUR nashriyotiga ko‘ra, qiz Ispaniyaning Navarra universitetida huquqshunoslik va xalqaro munosabatlar yo‘nalishida tahsil olardi. 22 yoshli qiz Valyadolid shahridan bo‘lgan.
2024 yil aprel oyida Zambiyada 80 yoshli amerikalik sayyoh mashinaga fil hujum qilishi oqibatida halok bo‘lgandi. Fil zarbidan ag‘darilgan mashinaning yana bir necha yo‘lovchisi jarohatlangan.
Ma’lumot uchun, Tailanddagi dam olish markazlarida fillarni yuvintirish va ular bilan cho‘milish ommabop mashg‘ulot hisoblanadi. U yerlarda fillar sayyohlar uchun ko‘rgazmalarda ham qatnashadi.
Mavzuga oid
10:21 / 30.04.2026
Bedarak ketgan futbol jamoasi – g‘orda qamalib qolgan bolalar qanday qutqarilgandi?
23:21 / 24.04.2026
Fillar to‘dasi amerikalik millioner-ovchini toptab o‘ldirdi
10:39 / 24.04.2026
Dunyodagi opiy va geroin eng ko‘p tayyorlanadigan joy - giyohvand moddalar makoni bo‘lgan Oltin uchburchak
12:05 / 20.04.2026