Shifoxonada 2 oylik chaqaloq qo‘li kesildi. Voqeaga SSV munosabat bildirdi
Sog‘liqni saqlash vazirligi chaqaloqqa “chap tomonlama yelka arteriyasi tromboemboliyasi, chap qo‘l va chap qo‘l panjasida qon aylanishining 3-a darajali o‘tkir buzilishi, poliorgan yetishmovchiligi” tashxisi qo‘yilgani va ota-onasining roziligi bilan bir qo‘li amputatsiya qilinganini ma’lum qildi. Holat bo‘yicha xizmat tekshiruvi o‘tkazilmoqda.
Tarmoqlarda Toshkent shahar 1-son bolalar klinik shifoxonasida 2 oylik chaqaloqning qo‘li kesilgani haqida fuqaro murojaati tarqaldi. Unda aytilishicha, ota farzandini isitmalagani uchun 7 dekabrda Yunusobod tumanidagi Toshkent shahar 1-son bolalar klinik shifoxonasiga olib borgan. Murojaatchiga ko‘ra, shifokorlar chaqaloqni 8 kun muolaja qilishgan, 9-kuni reanimatsiyaga yotqizilgan. “Bolamning qo‘li gangrena bo‘lgan. Kesilgan qo‘lini beringlar, ekspertiza qildiraman desam berishmayapti, ketadigan kuningiz beramiz deyishyapti”, – deyilgan murojaatda.
Holat yuzasidan Sog‘liqni saqlash vazirligi rasmiy munosabat bildirdi. Aniqlanishicha, 2024 yil 9 dekabr kuni soat 15:30 lar atrofida Shayxontohur tumanida yashovchi ota-ona 2024 yilda tug‘ilgan qizini Toshkent shahar 1-son bolalar klinik shifoxonasiga olib borgan. Chaqaloqda tana haroratining ko‘tarilishi, yo‘tal, xirillash, hansirash, bezovtalik va holsizlik kabi shikoyatlar bo‘lgan.
SSVga ko‘ra, bemor zudlik bilan navbatchi shifokor N.Sultanova tomonidan tibbiy ko‘rikdan o‘tkazilgan. Dastlabki tekshiruv davomida unga “Shifoxonadan tashqari pnevmoniya” tashxisi qo‘yilgan. Chaqaloqning ahvoli shifokorlar tomonidan og‘ir deya baholanib, darhol muassasaning chaqaloqlar va chala tug‘ilgan chaqaloqlar patologiyasi bo‘limiga gospitalizatsiya qilingan.
Shuningdek, bo‘limda gematolog, angioxirurg, bolalar jarrohi, neonatal-jarroh kabi tor soha mutaxassislari tomonidan qo‘shimcha va klinik tibbiy tekshiruvlar o‘tkazilgan. Bemorga “Asosiy: Sepsis. Septisemiya. Covid-19 etiologiyali shifoxonadan tashqari pnevmoniya” asosiy tashxisi va “Tug‘ma yurak nuqsoni-bo‘lmachalararo to‘siq nuqsoni” kasalligi va uning asorati bo‘lgan “Nafas yetishmovchiligi 1-2-daraja. Yurak-qon tomir yetishmovchiligi 1-2-a darajasi” tashxisi qo‘yilgan.
“Muassasada davolanish vaqtida qizaloqda “Chap tomonlama yelka arteriyasi tromboemboliyasi. Chap qo‘l va chap qo‘l panjasida qon aylanishining 3-a darajali o‘tkir buzilishi, poliorgan yetishmovchiligi” kuzatilgan. Shu bois bemor hayotini saqlab qolish maqsadida amputatsiya o‘tkazishga qaror qilingan va ota-onasining roziligi bilan unda jarrohlik aralashuvi amalga oshirilgan. Hozirda chaqaloqning ahvoli stabil holatda”, – deyilgan vazirlik munosabatida.
SSV vaziyat bo‘yicha xizmat tekshiruvi o‘tkazilayotgani va yakuniy xulosalar bo‘yicha jamoatchilikka qo‘shimcha ma’lumot berilishini ma’lum qilgan.
Tavsiya etamiz
“Kontraktga kirsang o‘qita olmaymiz deyishgan” – orzular yo‘lida stereotiplarni yengib o‘tgan navoiylik qiz hikoyasi
Jamiyat | 20:50 / 25.03.2025
AESda ishlab chiqariladigan elektr energiyasining narxi qancha bo‘ladi?
O‘zbekiston | 18:04 / 25.03.2025
JCh-2026 saralashi: Eronga qarshi o‘yin oldidan
Sport | 15:16 / 25.03.2025
Kiyevga yana zarba berildi. Qurbonlar bor
Jahon | 13:57 / 23.03.2025
So‘nggi yangiliklar
-
Niger xuntasi yetakchisi prezident sifatida qasamyod qildi
Jahon | 19:57
-
Putin “Yalta 2.0”ga erisha oladimi? Qrimdagi konferensiyada nima bo‘lgan?
Jahon | 19:20
-
AQSh Xitoyga tegishli 50 ta kompaniyani sanksiyalar ro‘yxatiga qo‘shdi
Jahon | 19:04
-
O‘zbekistonda gaz qazib olish va elektr energiyasi ishlab chiqarish qisqardi
O‘zbekiston | 18:32
Mavzuga oid

17:07 / 03.03.2025
Samarqandda hojatxonaga tushib ketgan chaqaloq qutqarildi

11:23 / 09.02.2025
Samarqanddagi chiqindixonada chala tug‘ilgan chaqaloq o‘ligi topildi

14:20 / 21.01.2025
Qo‘li kesilgan 2 oylik chaqaloq: uning yaqinlari shifokorlardan norozi

10:10 / 19.01.2025