Maktab o‘quvchilarini kasb-hunarga o‘qitishda tadbirkorlarni jalb etish tartibi belgilandi

Kasb-hunarga o‘qitishda umumiy o‘rta ta’lim muassasalari bilan tadbirkorlar va hunarmandlarning o‘zaro hamkorligi Nizomga asosan tartibga solinadi.

Hukumat qarori bilan «O‘quvchilarni kasb-hunarga o‘qitishda umumiy o‘rta ta’lim muassasalari va tadbirkorlik sub’yektlarining o‘zaro hamkorlik qilish tartibi to‘g‘risida»gi nizom tasdiqlandi.

Nizom o‘quvchilarni kasb-hunarga o‘qitishda umumiy o‘rta ta’lim muassasalari bilan tadbirkorlar va hunarmandlarning o‘zaro hamkorlik qilish tartibini belgilaydi.

Nizom quyidagilarni nazarda tutadi:

- umumiy o‘rta ta’lim muassasalari va tadbirkorlar o‘rtasidagi hamkorlik yo‘nalishlari;

- umumiy o‘rta ta’lim muassasalari o‘quvchilarini kasb-hunarga o‘qitishni tashkil etish tartibi;

- tadbirkorlar tomonidan maktablarda kasb-hunar to‘garaklarini tashkil etish asoslari;

- umumiy o‘rta ta’lim muassasalarining bo‘sh turgan binolarini tadbirkorlarga ijaraga berishda umumiy o‘rta ta’lim muassasasi va tadbirkorlarning majburiyatlari.

Kasb to‘garaklariga kasbga qiziqishi bo‘lgan 7–11-sinf o‘quvchilari jalb etiladi.

2025 yildan 8-sinf o‘quvchilari uchun sanoat, ishlab chiqarish, xizmat ko‘rsatish, agrotexnologiya sohalaridagi korxona va tashkilotlarga ekskursiyalar tashkil etiladi.

2024/2025 o‘quv yili yakunigacha maktablar bitiruvchilarini egallaydigan kasb-hunari bo‘yicha amaliy imtihondan o‘tkazish va ularga elektron sertifikat berish tartibi joriy etiladi.

#tadbirkorlik #Maktab ta’limi #kasb-hunarga o‘qitish