Qoʻshimcha funksionallar
-
Tungi ko‘rinish
Ipoteka bank OTP Group 2024 yilgi moliyaviy natijalarini e’lon qildi: sezilarli daromad o‘sishi va barqaror rivojlanish
11 mart kuni O‘zbekistondagi eng yirik chakana banklaridan biri va umumiy aktivlar bo‘yicha bozor ulushi qariyb 7 foizni tashkil etuvchi beshinchi yirik moliyaviy institut Ipoteka bank OTP Group 2024 yil yakuni bo‘yicha MHXS asosidagi moliyaviy natijalarini e’lon qildi. Bank barqaror operatsion faoliyat, daromadlarning o‘sishi, shuningdek, moliyalashtirish tuzilmasi va risklarni boshqarish samaradorligi tufayli yuqori daromadlilikka erishdi.
Asosiy moliyaviy ko‘rsatkichlar:
• Jami aktivlarning yillik o‘sishi: +17%
• Umumiy kapitalning yillik o‘sishi: +35%
• Soliqdan keyingi sof foyda: 1,837 trln so‘m (145 mln AQSh dollariga ekvivalent)
• Xarajat/daromad nisbati (CIR): 38%
• Risk qiymati (COR): 1,16%
• Xususiy kapital rentabelligi (ROE): 30,4%
• Aktivlar rentabelligi (ROA): 4,0%
Ushbu natijalar Ipoteka bank OTP Group’ning xalqaro OTP Group bank guruhi tarkibiga muvaffaqiyatli qo‘shilganligini, bankning mustahkam operatsion boshqaruv tizimi hamda biznes strategiyasining samaradorligini tasdiqlaydi. Bank faoliyatining rivojlanishi yuqori malakali professional boshqaruv, xarajatlarni optimallashtirish va moliyaviy barqarorlikni ta’minlash strategiyasiga asoslangandir.
Ipoteka bank OTP Group kelajakda innovatsion moliyaviy texnologiyalarni joriy etish, operatsion samaradorlikni oshirish va mijozlarga ko‘rsatiladigan xizmat sifatini yanada takomillashtirish orqali o‘z mavqeini mustahkamlashga qaratilgan strategiyasini izchil davom ettiradi.
Sayt | Telegram | Facebook | Instagram | YouTube | Linkedin
Reklama huquqi asosida
