Toshkentda avtomobil yonib ketdi

Holat 21 mart kuni kechki vaqtda Mirzo Ulug‘bek tumanida joylashgan Bank-moliya akademiyasi binosi oldida sodir bo‘lgan. Kun.uzʼga obunachilar tomonidan yuborilgan videoda avtomobil to‘liq yonib ketganini ko‘rish mumkin.

Toshkent shahar FVBga ko‘ra, yong‘in-qutqaruv texnikalari chaqiruv asosida, Abdulla Qodiriy ko‘chasidagi manzilga soat 18:49 da yetib borgan hamda yong‘in soat 18:50 da o‘chirildi.

Rasmiylarga ko‘ra, yong‘in oqibatida halok bo‘lgan va jabrlanganlar yo‘q, yong‘in sababi va keltirilgan moddiy zarar miqdori aniqlanmoqda.