Farg‘onada maishiy chiqindi xizmati narxlari o‘zgartirildi

Farg‘ona viloyatida maishiy chiqindilarni to‘plash va olib chiqib ketish bo‘yicha xizmat ko‘rsatish uchun majburiy to‘lov tariflari qayta ko‘rib chiqildi. Bu haqda viloyat hokimligi xabar berdi.

Qayd qilinishicha, yangi narxlar (tariflari) quyidagicha belgilandi:

Qattiq maishiy chiqindilar uchun:

- Aholiga (bir kishi uchun) bir oylik to‘lov summasi (QQSsiz) shaharlar hududida 6696 so‘m, tumanlar hududida 5804 so‘m;

- Aholiga (bir kishi uchun) bir oylik to‘lov summasi (QQS bilan) shaharlar hududida 7500 so‘m, tumanlar hududida 6500 so‘m;

- Yuridik shaxslarga 1 m3 uchun (QQSsiz) shahar-tumanlar hududida 100 580 so‘m;

- Yuridik shaxslarga 1 m3 uchun (QQS bilan) shahar-tumanlar hududida 112 650 so‘m.