Samsung Electronics Co., Ltd. yangi Galaxy A modellarini taqdim etdi: Galaxy A56 5G, Galaxy A36 5G va Galaxy A26 5G. Galaxy A modellari innovatsion AI funksiyalarini, jumladan, ijodkorlikning yangicha qirralarini kashf etuvchi, foydalanuvchilar qalbidan joy olgan AI qulayliklarini taqdim etadi. Bundan tashqari, qurilmalar yuqori ishonchlilik va chidamlilikni, shuningdek, qurilmalardan xavfsiz va uzoq muddat foydalanishni kafolatlaydigan xavfsizlik va maxfiylik imkoniyatlarini ta’minlaydi.
“Yangi Galaxy A modellari “Hamma uchun AI” missiyamizni amalga oshirishda muhim qadamdir, chunki u Galaxy mobile AI’ning ajoyib imkoniyatlarini butun dunyo bo‘ylab yanada ko‘proq odamlarga taqdim etadi” — dedi Samsung Electronics kompaniyasi prezidenti va mobil texnologiyalar bo‘limi rahbari TM Ro, — “Ushbu ajoyib yangi funksiyalar va imkoniyatlar bilan biz xavfsiz, ishonchli va jozibador mobil qulayliklarni taqdim etgan holda Galaxy A modellarining cheksiz ijodiy salohiyatini ochib berishdan xursandmiz”.
Murakkab qidiruv va ijodkorlik uchun ajoyib AI
Awesome Intelligence — bu Galaxy A56 5G, Galaxy A36 5G va Galaxy A26 5G qurilmalari uchun maxsus chiqarilgan birinchi murakkab mobil AI bo‘lib, u foydalanuvchilarga kuchli, jozibali va qulay AI imkoniyatlarini taqdim etadi. One UI 7 dagi yangi Awesome Intelligence funksiyalari esa Galaxy A foydalanuvchilariga ajoyib qidiruv va vizualizatsiya imkoniyatlarini beradi.
Yaxshilangan Google orqali “Aylana chizib qidirish” telefon ekrani yordamida izlashni endi yanada osonlashtiradi. Oxirgi yangilanishlar esa qidiruv funksiyasini tezkor va kontekstli qiladi, ya’ni ekranda telefon raqamlari, elektron pochta manzillari va URL manzillari avtomatik aniqlanib, foydalanuvchilarga bir martagina bosish orqali tegishli amallarni bir zumda bajarishga yordam beradi. Shuningdek, yangilanishlar ichida “Musiqa izlash” funksiyasi ham bor. Bu sizga yaqin atrofdan yoki qurilmangizdan chiqayotgan ovoz yoki hatto xirgoyi qilganingizda ham musiqani aniqlash imkonini beradi. Ko‘p tillarni qo‘llab-quvvatlaydigan ushbu musiqani qidirish funksiyasi jarayonni ancha osonlashtiradi. Foydalanuvchilar endi musiqa nomi nihoyat xayoliga kelib qolishini kutib o‘tirishlari shart emas.
Galaxy A modellari barcha qurilmalarda 50 megapikselli kuchli uchta kamerali tizimga hamda yorqin va tiniq selfi uchun Galaxy A56 5G va Galaxy A36 5G smartfonlari 10 bitli HDR old kameralariga ega ijodkorlarga mo‘ljallangan vositalar yordamida kamera imkoniyatlarini keyingi bosqichga olib chiqadi. Galaxy A56 5G 12 megapikselli ultra keng obektivli ilg‘or kameraga ega va butun Galaxy A modellari aqlli vizual tahrirlash orqali ijodkorlikni yangicha va qiziqarli imkoniyatlar bilan boyitadi.
