«Metsenat» loyihasi doirasida «Mustaqillik-35» taʼlim granti gʻoliblari aniqlandi. Unga koʻra, 100 nafar talabaning kontrakt toʻlovi uchun 10 million soʻmdan, jami 1 milliard soʻm ajratiladi. Grant 67 nafar qiz va 33 nafar yigitga nasib etdi.
Gʻoliblar qaysi sohalarda taʼlim oladi?
Iqtisodiyot va moliya - 26 nafar;
Filologiya va tillar - 25 nafar;
Tibbiyot - 13 nafar;
Yurisprudensiya - 13 nafar;
Texnika, IT va muhandislik - 6 nafar;
Ijtimoiy va siyosiy fanlar - 6 nafar;
Pedagogika - 5 nafar;
Tabiiy va aniq fanlar - 3 nafar;
Qishloq xoʻjaligi va biotexnologiya - 3 nafar.
Grant uchun jami 15 290 ta ariza kelib tushgan. Gʻoliblarni saralashda talabaning oʻzlashtirish koʻrsatkichlari, oilasining ijtimoiy holati, nogironligi, ota-onasidan ayrilganligi, jamoat ishlaridagi faolligi va erishgan yutuqlari inobatga olingan.
«Metsenat» loyihasining asosiy maqsadi - kontrakt toʻlovini amalga oshirishda qiynalayotgan, biroq iqtidor va salohiyatga ega ehtiyojmand talabalarni ixtiyoriy asosda moddiy qoʻllab-quvvatlash.
Maʼlumot uchun: «Mustaqillik-35» taʼlim granti Yoshlar ishlari agentligining «Ibrat farzandlari», UzChess, «Mutolaa», «Ustoz AI», UzCombinator va «Koʻmak» kabi loyihalari bilan kelishuv asosida eʼlon qilingan.
Grant gʻoliblarining toʻliq roʻyxati: mana bu yerda.
