Gazetaning 3 aprel kungi nashrida e’lon qilingan maqolada O‘zbekistonning jadal iqtisodiy o‘sishi va xalqaro hamkorlikdagi muvaffaqiyatlari haqida so‘z boradi. Xususan, O‘zbekistondagi iqtisodiy o‘sish va barqaror moliyaviy tizim, 2030 yilgacha bo‘lgan rivojlanish strategiyasi haqida so‘z yuritiladi.
Shuningdek, Yevropa Ittifoqi va Markaziy Osiyo davlatlari o‘rtasidagi birinchi sammit Samarqandda bo‘lib o‘tayotgani, bu Yevropaning mintaqaga qiziqishi va hamkorlikni kuchaytirish istagini ko‘rsatishi ta’kidlangan.
O‘zbekistonning Fransiya bilan iqtisodiy va madaniy sohalarda hamkorligi sezilarli darajada kuchaygani, fransuz kompaniyalari ko‘plab sohalarda faol ishtirok etayotgani ta’kidlangan. Shuningdek, O‘zbekistondagi erkin iqtisodiy zonalar xorijiy investitsiyalarni jalb etish va yashil iqtisodiyotga o‘tishni rag‘batlantirishda muhim ahamiyat kasb etayotgani qayd etilgan.
