Markaziy Osiyoning eng yaxshi shahri aniqlandi

Qozog‘istonning Almati shahri Markaziy Osiyodagi eng yaxshi shahar deb topildi. Bu Global Cities Index 2025 reytingidan ma’lum bo‘lmoqda.

Reytingda baholash besh toifadagi ko‘rsatkichlar bo‘yicha amalga oshirilgan: iqtisodiyot, inson kapitali, hayot sifati, ekologiya va boshqaruv.

Dunyoning 1000 ta eng yaxshi shahri ro‘yxatida Almati 258-o‘rinni egalladi. Bundan tashqari, inson kapitali toifasida shahar 64-o‘rinda qayd etildi. Ayni paytda Qozog‘istonning sobiq poytaxti Markaziy Osiyoda birinchi o‘rinda turadi.

O‘zbekiston poytaxti Toshkent umumiy reytingda 471-o‘rinda qayd etildi (Iqtisodiyot bo‘yicha 558-o‘rin, inson kapitali bo‘yicha 123-o‘rin, hayot sifati bo‘yicha 565-o‘rin, ekologiya bo‘yicha 872-o‘rin, boshqaruv bo‘yicha 840-o‘rin). Bu Markaziy Osiyo bo‘yicha uchinchi ko‘rsatkich hisoblanadi.

Amerikaning Nyu-York shahri dunyodagi eng yaxshi shahar deb topildi. Kuchli uchlikka London va Parij ham kiritilgan.

Markaziy Osiyoning eng yaxshi shaharlari:

- Almati (umumiy reytingda 258-o‘rin);

- Ostona (276-o‘rin);

- Toshkent (471-o‘rin);

- Bishkek (498-o‘rin);

- Chimkent (534-o‘rin);

- Ashxobod (623-o‘rin);

- Dushanbe (683-o‘rin).

Dunyoning eng yaxshi shaharlari (top 10):

- Nyu-York (AQSh);

- London (Buyuk Britaniya);

- Parij (Fransiya);

- San-Xose (AQSh);

- Sietl (AQSh);

- Melburn (Avstraliya);

- Sidney (Avstraliya);

- Boston (AQSh);

- Tokio (Yaponiya);

- San-Fransisko (AQSh).