Ko‘p qavatli "dom"larda hisoblagich o‘rnatmasdan gazdan noqonuniy foydalanish holati aniqlandi

«O‘zenergoinspeksiya» Qashqadaryo viloyat hududiy boshqarmasi, viloyat departamenti va «Hududgaz Qashqadaryo» bilan hamkorlikda o‘tkazilgan nazorat tadbirida Qarshi shahrida joylashgan «U. B. T.» MChJga qarashli ko‘p qavatli turar joy binolari gaz hisoblagich o‘rnatmasdan tabiiy gaz quvuriga ulanib, noqonuniy foydalanib kelayotganligi aniqlandi.

Ushbu qoidabuzarlik natijasida, dastlabki hisob-kitoblarga ko‘ra, gaz ta’minoti korxonasiga 1 milliard 86 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.