Bosh prokuratura huzuridagi departamentning Pop tumani boʻlimi va boshqa huquqni muhofaza qiluvchi organlar xodimlari hamkorligida tezkor tadbir oʻtkazildi.
Unda «Pop tumangaz» operatori N.R. hamda muqaddam sudlangan fuqaro P.Z. fuqarolar Z.Yu. va S.Yu.ning xonadonlariga tabiiy gaz tarmogʻini tortib kelish va ruxsatnoma olib berishni vaʼda qilgani aniqlangan.
Maʼlum qilinishicha, ular bu ishni goʻyoki yuqori lavozimlarda ishlovchi tanishlari orqali hal qilib berish evaziga 2 100 AQSH dollari soʻragan.
Shundan 200 dollar avval firibgarlik yoʻli bilan qoʻlga kiritilgan. Tezkor tadbir davomida esa gumonlanuvchilar qolgan 1 900 dollarni olayotgan vaqtda ashyoviy dalillar bilan ushlangan.
Tergovga qadar tekshiruv davomida N.R. tomonidan avval olingan 200 dollar qaytarilgan va bu protsessual tartibda rasmiylashtirilgan.
Holat yuzasidan Jinoyat kodeksining 168-moddasi - firibgarlik bilan jinoyat ishi qoʻzgʻatilgan.
Hozirda tergov harakatlari olib borilmoqda.
