Rossiyaning «Rosatom» davlat korporatsiyasi tomonidan Özbekistonda atom elektr stansiyasini quriş loyihasi özgartirildi, hozir muzokaralar kiçik va katta AES quriş haqida ketmoqda, deb xabar berdi Rossiya Iqtisodiy rivojlaniş vazirligi Toşkent xalqaro investitsiya forumi doirasida ötkazilgan Rossiya va Özbekiston örtasidagi savdo hajmini oşiriş böyiça işçi guruh yiğilişi yakunlari böyiça. Bu haqda «Interfaks» xabar berdi.
Tadbirda Rossiya Iqtisodiy rivojlaniş vaziri Maksim Reşetnikov va Özbekiston Investitsiyalar, sanoat va savdo vaziri Laziz Qudratov iştirok etdi.
«Ötgan yili kiçik quvvatli atom elektr stansiyasi qurilişi boşlangan bölsa, joriy yilda mamlakatlar rahbarlari loyihani qayta formatlaş va ikki blokli katta quvvatli va ikki blokli kiçik quvvatli stansiya quriş böyiça kelişuvga erişdi», deyiladi boşqarma xabarida.
Aprel oyi oxirida «Rosatom» rahbari Aleksey Lixaçev jurnalistlarga davlat korporatsiyasi bir yildan keyin yoki undan oldinroq kiçik AES poydevorini quyişni boşlaşi kutilayotganini aytgan edi. Mamlakatda yirik AES quriş salohiyati haqidagi savolga javob berar ekan, Lixaçev mamlakat rahbariyati uni quriş töğrisida qaror qabul qilgunga qadar «Rosatom»da «nafaqat bölajak obektlarning körinişi böyiça, balki moliyaviy sxema va maksimal mahalliylaştiriş bilan boğliq taşkiliy masalalar böyiça ham takliflar tayyor bölişini» aytdi.
Özbekistonda kiçik AES quriş loyihasi «Rosatom»ning xorijdagi birinçi şunday eksport loyihasidir, deb ta’kidlamoqda «Interfaks». Tomonlar bu haqda ötgan yil bahorida kelişib oldi va kuzda loyiha işlari bilan hujjatlarni işlab çiqiş közda tutilgan işlarning boşlanişi töğrisida bayonnoma imzolandi.
Loyiha har biri 55 MVt quvvatga ega oltita reaktor qurişni nazarda tutgan. Quriliş işlari şu yilning yozida boşlanişi kerak va AES bosqiçma-bosqiç 2029-2033 yillarda işga tuşiriş rejalaştirilgan.
Loyihani Özbekiston tomoni moliyalaştirişi taxmin qilingan, Rossiya krediti masalasi muhokama qilinmadi, dedi avvalroq Lixaçev.
