Shavkat Mirziyoyev Bokuda tantanali kutib olindi

Boku shahridagi «Zagulba» qarorgohida Ozarboyjonga davlat tashrifi bilan borgan O‘zbekiston prezidenti Shavkat Mirziyoyevni rasmiy kutib olish marosimi bo‘ldi.

Qarorgoh oldidagi maydonda ikki davlat bayroqlari ko‘tarildi, faxriy qorovul saf tortdi.

Oliy martabali mehmonni Ozarboyjon prezidenti Ilhom Aliyev kutib oldi.

Davlat madhiyalari yangradi. Harbiy orkestr sadolari ostida faxriy qorovul davlat rahbarlari oldidan saf tortib o‘tdi.

Birgalikda suratga tushilganidan so‘ng, O‘zbekiston va Ozarboyjon yetakchilarining tor doiradagi uchrashuvi boshlandi.