Xitoy O‘zbekiston hududida data markazlar qurishi mumkin

Xitoyning Shanghai LinkWise Data Intelligence Co kompaniyasi O‘zbekistonda ikkita data markaz qurishni ko‘rib chiqmoqda. 

Xitoy kompaniyasi delegatsiyasini energetika vaziri Jo‘rabek Mirzamahmudov qabul qildi. Tomonlar Buxoro viloyatida 300 MVt quvvatga ega ma’lumotlar markazini qurish loyihasini amalga oshirish bo‘yicha memorandum imzoladi.

Surxondaryo viloyatida ham shunday quvvatga ega yana bir data markaz qurilishi rejalashtirilgan.

Uchrashuv davomida tomonlar O‘zbekiston energetika sohasida Xitoy kompaniyalari tomonidan amalga oshirilayotgan loyihalar, shuningdek, ularning kelgusi istiqbollarini muhokama qildi.

Tomonlar imzolangan memorandum doirasida loyihani amalga oshirish uchun barcha zarur ishlarni tezlashtirishga kelishib oldi.