Ikkinchi mutaxassislikka qabul bo‘yicha rad etilgan arizalarni tahrirlash imkoniyati berildi

2025/2026-o‘quv yili uchun davlat oliy ta’lim muassasalariga ikkinchi va undan keyingi oliy ta’limga qabul bo‘yicha my.edu.uz elektron tizimi orqali onlayn ro‘yxatdan o‘tgan talabgorlarning arizalari ko‘rib chiqildi. Ammo ayrim arizalar kamchiligi bo‘lgani sababli rad etildi, deb xabar berdi Oliy ta’lim vazirligi.

Ta’kidlanishicha, rad etilgan arizalarni 14-15 avgust kunlari tahrirlash imkoniyati berildi. Ushbu muddatdan so‘ng tahrirlashga yo‘l qo‘yilmaydi va kamchiliklari bartaraf etilmagan arizalar ko‘rib chiqilmaydi.

Ro‘yxatdan o‘tgan barcha talabgorlar shaxsiy kabinet orqali ariza holatini doimiy kuzatib borishi, zarurat tug‘ilganda tahrirlashi mumkin.

Eslatib o‘tamiz, ikkinchi va undan keyingi mutaxassislik bo‘yicha o‘qitish to‘lov-kontrakt asosida amalga oshiriladi. Qabul parametrlari OTM ilmiy-pedagogik salohiyati va moddiy-texnik bazasi hisobga olingan holda belgilanadi.